Yoona 1:5 - NQAARIIT NE ROOG

⁵ Maamaag we a ndiid’a lool, too oxuu refna na den kaa ƴufginooxoogu a roog um, soo a njooraa kam o maag ole tikoorik ke ndeeƭna kam a kaal ale, ndax da yelefandin. Yoona o mat a fudooxa boo a lanq-ee-lanq ale na kaal ale, a wondoox maaga, soo a naag hanq a ɗaan.

Yoona 1:5 Iomraidhean Croise

1 Maad we 18:26

A njanga nqoox ne da cooxeena, a nqendandin, cinj kaaga da ndef no ƈufginooxaa a Baal no kaa xotitna no nqes naa boo na waxtu njeeƈ ndeer xoox, a layaa yee: «Baal, jaaɓi a in!» Kaa koy, njeg’ee o jaaɓ o leng ke da mbecoogna me widna o sadaxand ole da max’ina fop oo.

Ke bindeena no xe ne’eena YOB 2:4

Saytaane a doona o Yaal oxe yee: «O ñis a jara kuu refna. Ke o kiin a jegna fop a jaɓaan o cooxit ndax ta mucil o ñis um.

A kim a tedu ke 107:25

A laya, soo ta fi a und a maak alaa yoɗna a yag-ee-yag ake.

A kim a tedu ke 148:8

Simateenoo, nuun fiɗel le fo a kalam a ƥuuɓu ke fa nees fee fo a kuy ale fo a und a maak ale na fadnaa fa lay um!

O baawaare xe 3:6

hap o waaƭ fo hap o mo’iɗ, hap o geek fo hap o deɓ,

Esayi 45:20

«Mbokatooryo too ngar. Matiidyo nuun fop, nuun we ƥostooxna ndeer a saax ake. Dara refee na qoox no we na ƥislooxaa pangool kaa ndefna a teex, a ƈufginooxaa a roog faa waageerna o mucil.

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

Yoona 1:14

Maaga, a ƈufginooxa o Yaal oxe, too a lay ee: «O Yaal oxe, koo ba o saŋik a in yaam o koor oxene, too fat o ɓog a in na fa nqon no xene fi’eerna a in tus. O Yaal oxe, i anda koy o mat ee kaa o fi’aa ke bugoona.»

Yoona 1:16

Ye da nga’na kaaga, a saɗar’ata o Yaal oxe lool, a ƥoxotaan sadax, soo a ndegoor fo ten.

Yoona 1:6

Maaga, o aa-adax oxe na kaal ale a matiidaan, a layin ee: «Ndi an oo xene na ɗaanaa? Inooxi, ƴufginoox a roog of! Xeƈa yiif um xan a gom a in, too yaaga i saŋkooxkee.»

Mace 25:5

Ye o kor-no-kulook oxe a yengeena a kar, a nqija den fop boo a mujat sax a ƭaan.

Mace 26:43

A nomtooxiidahina, too a soƥa a den da ƭaanaa. A kid den kaa nqaaɗ’u.

Mace 26:45

Cinj kaaga, a gara me no daalbe we, a lay a den ee: «Kaa nu maad o ƭaanaa, ñootnooxaa? Waxtu fee a fadiida. Nga’yo, o Ƥeenqe no kiin oxe xan a ɓoxotel ndeer xa ƥay axe no baabakaad we.

A pi ake 27:38

Ye da ñaamna den fop boo a ngiñ, a ƥaxa bele fee kam o maag ole, ndax a kaal ale a yelef.

Haahate we 16:19

Dalila a ɗaannoora a Samson no kuɓay ke ten soo a xoy o koor ta ruus xa maar ɓetaa ƭaq axe no xoox le Samson. Neene, a heesata, soo doole fee ten a wat no ten.

1 Sami’el 24:3

Sawul a jila goor cuni tadik no xiixire we moƴna o mbaax kam Isra’el, a fokat a den, da mbaaƭik a Dawid fo yoon we ten no batand naa no joong olaa no Pambe-koƥ kaa.