Yoona 1:4 - NQAARIIT NE ROOG

⁴ Maaga, o Yaal oxe a fi’a a qeñ a maak took o maag ole, too a und a maak a jumbanda o maag ole boo a kaal ale a bug o gef.

Yoona 1:4 Iomraidhean Croise

A kim a tedu ke 135:6

O Yaal oxe kaa fadnaa ke ta bugna fop, ta ref na asamaan fo took lanq ke, na xa maag axe fo no qooƭ ke fop.

A kim a tedu ke 135:7

Kaa yoɗtaa a eel ake no cat ke no lanq ke, a fi’aa xa kiiñaand, a yurdiid a teƥ ale soo a suttaa nqeñ ne no pand ke ten.

A kim a tedu ke 148:8

Simateenoo, nuun fiɗel le fo a kalam a ƥuuɓu ke fa nees fee fo a kuy ale fo a und a maak ale na fadnaa fa lay um!

A sutax ale 10:13

Moyiis a letna o loq ole ten took saax le Misira, soo o Yaal oxe a fi nqeñ ta hatiid no batand, a rok kam saax le fop no ñaal naaga fo no yeng olaaga. No feet nqes olaa, nqeñ ne a ɓisiida tooroog.

A sutax ale 10:19

O Yaal oxe a wirla nqeñ ne, ta hatiid no mudand. Nqeñ ne koy, kaa magin’u bo too a ɓisa tooroog ke, a jogolik a den kam a Kal alaa no xeet laa, too yoq’atee ndooroog leng kam Misira boo Misira a xet.

A sutax ale 14:21

Moyiis a letna o ɓay um took o maag olaa. Ndak fo ndak, o Yaal oxe a jumbandta o maag ole a und, ta hatiid no batand, a dititaa ditit maak o yeng ole fop. A xaaja poofi ke soo a weerin o maag ole.

A sutax ale 15:10

O Yaal oxe, kaa o wuuɗit no xoor of, o maag ole a muur a den, da ndiim nen beteex kam foofi.

Yeremi 51:16

A heblitangaa, poofi ke a ngitatir na asamaan. Kaa yoɗtaa a eel a maak ake no cat ke no lanq ke, a ƥalañnaa xa kiiñaand axe kam a teƥ ale soo a suqtitaa qeñ ke no keekand ke ten.

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»

A lim ale 11:31

O Yaal oxe a heblitiida no maag ole nqeñ, ta fudniid a ceɓel kam saŋe ne, da muur lanq ke boo ngap meetar took no ke xotitna no saŋe ne fo me widuuna fop boo kaa waageena o ñaaƴ ñaal muum.