Yoona 1:3 - NQAARIIT NE ROOG

³ Kaa koy, Yoona a inooxa ndax ta ƴuf Tarsis maa goƭna o Yaal oxe. A reta Yope, too a soƥa maaga a kaal alaa retoogna Tarsis. A rabda njootin ne, a rok na kaal ale, ndax ta yoon fo we ndetoogna Tarsis, maa goƭna o Yaal oxe.

Yoona 1:3 Iomraidhean Croise

Mberaand 3:8

Yaa yilmaan fee a yenaa, a nana o ñuxur ole no Yaal oxe Roog fee widoogna kam a ƭing ale. O koor oxe fo o tew oxe a ndalfooxa o ƭas kam taxar ke na ƭing ale ndax o Yaal oxe Roog ga’kee a den.

Mberaand 4:16

Kayin a inoora mbaambir no Yaal oxe, soo a genik no lanq kaa Nood ngaritna no batand naa Edeen.

1 Maad we 19:3

Yaa Eliya a nanna kaaga, a inooxa a ƴuf, ndax ta mucil o ñis um. A fadiida Beer-Seeba no saax laa Yudaa, a xaƴ maaga surga fee ten.

1 Maad we 19:9

Ye Eliya a fadiidna Horeb, a roka no luf naa no ɓil laa soo a fe taaga. Maaga, o Yaal oxe a laamtaan ee: «Eliya, xar o fi’aa mene?»

2 Caloori ke 2:15

Xan i ndet no joong olaa Libaŋ, ngodanong taxar ke bugoona, ngum a den toq, njootnaniidong a den no maag ole boo Yope. Xan o waagat o xotit a den maaga, ɓis a den Yeerusaleem.»

2 Caloori ke 2:16

Salomo a fokata xa kataakoon axe ndeeƭna kam Isra’el fop, too Dawid fee faap um a limin’u a den, da ndef cuni teemeed fo cuni qarɓeen ƥetik fo cuni tadik fo teemeed ɓetuu fa leng.

2 Caloori ke 9:21

O maad oxe a jeg’a no maag ole a kaal a maak a cula’ir akaa na ndetaa Tarsis, a yoon fo maamaag we Hiiram. Jaf leng na xa kiid xa tadaq axuu ndefna, a kaal akeene a ngatoogu, a ƥisiid wurus, xaaliis, a ñiiñ fa ñiig, a koy fo a lamjaata.

Esdaraas 3:7

Ii-isra’el we a cooxa seesex we na ƥil ake fo daadaaƴ we xaaliis soo Siisidoŋ we fo Tiitiir we, da coox a den ñoowir, a yer fo diwliin, ndax da ƥistiid Libaŋ a teex ndaxar seedar, a ndeef no maag ole, boo Yope, ne Kiirus fee o maad Persi a ci’it’uuna a den.

Ke bindeena no xe ne’eena YOB 1:12

O Yaal oxe a laya a Saytaane yee: «O ten oo xeene, xaƴaaxoong fo o jeg ole ten fop. Kaa koy, baa o ɓay of a dal took um, ten fa xoox um.» Maaga, Saytaane a inooxa mbaambir no Yaal oxe.

Ke bindeena no xe ne’eena YOB 2:7

Maaga, Saytaane a inooxa mbaambir no Yaal oxe. Cinj kaaga, a xawta a Yob a ur a ƭomu, da nqotit no nqol mbangdir ne boo no ƭuf ne.

A kim a tedu ke 107:23

Kaa ñaaƴoogu kam o maag ole na kaal, a mbi’aa calel den took poofi maak ke.

Esayi 2:16

fo a kaal a maak a cula’ir ake fop na ndetaa Tarsis fo ake moƴna o mos.

Esayi 23:1

Ke layeena na Tiir: «Nuun a kaal a maak a cula’ir ake na ndetaa Tarsis, ƭomatooxyo, yaam waax nuun a gefe tuƈ.» A yegaan, ye da inoorna no fimb laa Sipere, a ngataa.

Esayi 23:10

«Wo Tarsis o ndoog onqe, ɓaarooxi lanq of nen o xuluɓ ole Niil, yaam jegatiro waax.»

Esayi 23:6

«Nuun we ngenna paam o maag ole, ndefyo na coytax, ƈaktoox boo Tarsis.

Esayi 60:9

We ngenna na pimb ake, mi a yaakaaru, a kaal a maak a cula’ir ake na ndetaa Tarsis a adoox, a nomtitiidaa xa ƥeef na saax a koƭu ke, da saq wurus den fa xaaliis den. Kaa ƥoxotiidaa gon le no Yaal oxe Roog of o ndam, a simatiidaa o Tedu xe Isra’el ɓoxotoonga o niwel.

Yeremi 10:9

Xaaliis fa nqawe faa ɓistiideena Tarsis fa wurus faa ɓistiideena Ufaas a mosandte. O seesex sexu a den, o paal wurus a xaw a den. Roog keene kaa ndokeel haŋik fa nqiiyiiy fo haŋik fa yeeq. Den fop no waane no kiin doŋ a ngatu.

Heseki’el 2:8

Wo fee o ƥiy no kiin o mat, nan-gilooxi ke um layang! Ba o ref o paafañ nen xeet fa mbaafañ feene! Yaƥati o don of, ñaam ke um cooxkang.»

Heseki’el 27:12

«Wiin we Tarsis kaa sofroogu fa wo no jeg of ole naag’ina gañ. Kaa ƥisiidoogu no luuma ke wo xaaliis fa nqoolu, njelem ƥaal, buraag fa beteex.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Yoona 1:10

Cinj kaaga, Yoona a yegna a den ke xew’ina fo ten. Maamaag we a ndiid’a lool, yaam a and’a yee Yoona kaa ƴufaa mbaambir no Yaal oxe, too a laya a Yoona yee: «Ndi xar taxu o fi keene?

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

YEGIL MBAAX NE YEESU ne Lik a bindtuuna 9:62

Yeesu a doonaan ee: «Oxuu damna no masiin nqooxir soo a wiƈaqiloox, Maat ne Roog a jombaan.»

A pi ake 15:38

ndaa ke moƴan’ina a Pool, Mark a guloox, yaam kaa xaƴ’u a den Pamfili, a fañat o yoon fa den no calel ke.

A pi ake 26:19

«Ten taxu o maad Agiripa, fañiim mbeeñil ne daawtuuma na asamaan.

A pi ake 9:36

Kam teeru faa Yope, a jega ndeer no daalbe waa o tew oxaa ne’eena Tabita (kaa layeel Dorkas no ɗelem gerek, ta tekit «mbat ne»). Oxeene kaa fi’oogu a pi a paax a mayu, a sadaxtaa.

A pi ake 9:38

Daalbe we ndeeƭna Yope a nana yee Piyeer oxaa Lid, paam Yope. Naaga, a lula wiin ɗik maa Piyeer, ndax da layin ee ta ñof o jaaɓiid a den.

A pi ake 9:42

Kaaga a nannooxa kam Yope fop, too mayu a ngim’ata no Yaal oxe.

A pi ake 9:43

Piyeer a moof’a Yope no mbind no koohoora o ne’e Simoŋ boo a miñ.

1 Korint 9:16

Ne um waare’aa Yegil mbaax ne, taxee um fakooran, yaam kaa um serel o ten, too sabab took es yaa yegniteeruuma Yegil mbaax ne.

2 Tesalonik 1:9

Xan a qaw den a ref a saŋkax boo faw. Xan a mbildel kaltaa a tagid no Yaal oxe, a ngoƭ o ndam onqe na katil fee ten.

Yosuwe 19:46

Mee-Yarkon, Rakon fo o fiisel ole widna a Yope.