Yoona 1:2 - NQAARIIT NE ROOG

² «Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»

Yoona 1:2 Iomraidhean Croise

Mberaand 10:11

No saax leene Nimrood a inooru, a ret Asuur, a sinj teeru fee Niniif, fa fee Rehobot-Iir fa fee Kalax

2 Maad we 19:36

Maaga, Sanxerib fee o maad no Aa-asuur we a simta saŋe ne a ɗisel, soo ta xotatin a ƭat, a nomtoox no saax um, a moof Niniif.

2 Caloori ke 28:9

A jeg’a maaga o tuleer no Yaal oxe xaa ne’eena Oded. A sutooxa, a xetooxiid xiixire we ngatoogna Samari, a lay a den ee: «Nu anda yee Roog kaa fuuxan Yuuyudaa we, ten taxu o Yaal oxe Roog fee no daan nuun a ɓoxot a den na xa ƥay nuun soo nu ndek nduguñ a den neeke fo fuux laa retna boo na asamaan.

Esdaraas 9:6

soo lay ee: «Roog es, mexey na gaci too sedaam o yoɗ mukit es farna fa wo, wo Roog es, yaam pakaad in kaa ngartat a in took, soo tooñ in a cokrandoor boo na asamaan.

Esayi 37:37

Maaga, Sanxerib fee o maad no Aa-asuur we a simta saŋe ne a ɗisel, soo ta xotatin a ƭat, a nomtoox no saax um, a moof Niniif.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Yoona 3:2

«Inooxi, ret Niniif, na teeru fa maak faa, too lambin ke hebloonga.»

Yoona 3:3

No jaf laaga koy, Yoona a nanan’a o Yaal oxe no ke ta hebil’uuna. A inooxa, a ret Niniif me o Yaal oxe a tox’uuna. Niniif koy teeru fa maak a reeƭu. O bug’angaan o xaañ, xan o jeg ñaal tadik.

Yoona 4:11

Ii, soo o bug’u um fañ o yirim a Niniif, teeru fa maak fee saqna kaa hupna mboƥ cuni teemeed fo mboƥ cuni qarɓeen ƭik naa mbaageerna o anddirand a ñamaak den fo a canoon den, ne’atiim cegel mayu!»

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

Nahum 1:1

Ke na dalkaa teeru fee Niniif. Safe lene kaa fof ke feeñleena a Nahum fee gen’ina Elkos.

Nahum 3:19

Yaq fee wo waagaand tig, uut le wo waagee o wod. Fop we na nankaa ke daloonga xan a mboxanaa o njakad onqe wo, yaam an daaweeru no kañaan ne wo jegeerna ngakand?

Mace 10:18

Xan nu ƥisel mbaambir no gofornoor ke fo maad we yaam mi, ndax nu ndef seede na den fo no gimaƭaru we.

Mace 12:41

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

Mbeeñil 18:5

yaam pakaad um. Pakaad um keene koy, a ndondrandoora boo na asamaan, too Roog weecee a pi a paaxeer ake ten.