Yoona 1:16 - NQAARIIT NE ROOG

¹⁶ Ye da nga’na kaaga, a saɗar’ata o Yaal oxe lool, a ƥoxotaan sadax, soo a ndegoor fo ten.

Yoona 1:16 Iomraidhean Croise

Mberaand 28:20

Yakoob a fi’a a tegit ee: «Roog a refangaa fa mi, a saytooxaxam na ñaaƈ es aleeke, a ci’aam ñoowir fo ñirax,

Mberaand 8:20

Nowe a maxana o Yaal oxe o sadaxand, a xot no muumeen qoolu ke fop fo no tiiƭ qoolu ke soo a ɓoxot sadax toxel took o sadaxand ole.

2 Maad we 5:17

Maaga, Naaman a laya yee: «Feek fañaa ci’it ne mi, kaam xeɗang o ci’aam, mi fee o tag of, suf perkele ƭik no lanq, yaam bugatiim o ɓoxot a roog fa lakas sadax toxel mbaat sadax kuu ta waagna waag o ref, a refangee o Yaal oxe soom.

Ke bindeena no xe ne’eena YOB 37:24

Ten taxu wiin we a mbaraan o saɗar. A kid um ngaanee no we na mbi’ooxaa yaal o and.

A kim a tedu ke 107:22

Fat da ƥoxotin sadax fa ngidmir, a mbetandit ke ta fi’na, a yoonandtin xa soroxole!

A kim a tedu ke 116:14

Ke reguuma o Yaal oxe, xam fadnin mbaambir xeet fee ten fop.

A kim a tedu ke 50:14

Ɓoxotaam o ngidim of kañ nen sadax, mi fee Roog of, too fadin ke regaxamoona, mi oxe Took-ee-took.

O baawaare xe 5:4

Ñak o regit moƴu yee o fi a tegit too fadnino.

Esayi 26:9

O laaw es kaa diilooxang no yeng ole fop, soo yiif es itam a waaƭang kam ee kam es, yaam yaa kate of a mbadnooxkaa took lanq ke, xan we ngenna na adna fee a aqatoox o cofel.

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Dañel 6:26

Maaga, o maad Daryus a binda wiin we no qeet ke fop fo na saax ake fop fo no lak ke fop, ngenna na adna fee yee: «Yaasam Roog a ci a nuun jam!

Yoona 1:10

Cinj kaaga, Yoona a yegna a den ke xew’ina fo ten. Maamaag we a ndiid’a lool, yaam a and’a yee Yoona kaa ƴufaa mbaambir no Yaal oxe, too a laya a Yoona yee: «Ndi xar taxu o fi keene?

Yoona 1:14

Maaga, a ƈufginooxa o Yaal oxe, too a lay ee: «O Yaal oxe, koo ba o saŋik a in yaam o koor oxene, too fat o ɓog a in na fa nqon no xene fi’eerna a in tus. O Yaal oxe, i anda koy o mat ee kaa o fi’aa ke bugoona.»

Mark 4:31

Kaa nand fo o xonq seneew olaa andoona yee ye ta duufeel a lanq, ten refu ke moƴna o neew no ax ke fop.

A pi ake 5:11

Maaga, diid maak a dama mbokatax ne no gimu we fo fop we andoona yee a yeg’a ke xew’ina.

Haahate we 13:16

Malaaka fee no Yaal oxe a doona a Manowa yee: «O xurangaam sax oo, ñaamkiim no ñaamel ke wo. Kaa koy, o bugangaa, waagaa o jagand sadax fa ndoxel, ɓoxotin o Yaal oxe.» Manowa and’ee yee malaaka fee no Yaal oxe a reeƭu.