Yeremi 9:3 - NQAARIIT NE ROOG

³ Fat oxuu refna na nuun a wootoox a xaariit um, too ba nu ngooloox o pog nuun o leng, yaam o pog oxuu refna kaa ƴiƴtaa, soo xaariit fuu refna a yaqaa ƭool.

Yeremi 9:3 Iomraidhean Croise

Mberaand 39:16

Naaga, a doona ndoki ne Yoseef paam um boo neen o kor um a gatu no mbind naa.

Xa peƭit axe 12:5

A qalaat ake no jofu we no paax doŋ a njagnu, yuuƥ ke no soxodu we mat a ndef naanaxir ƥor.

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Esayi 3:5

Xeet fee xan a ñagadilraa, oxuu refna a ñotombilaa o kend um. Teɓandoong ke xan a inooxan maak we, soo fo mboƭomsogor ne a inooxan we niweena tigi.

Esayi 6:5

Maaga, layaam ee: «Sabab took es! Saŋkooxaam kañ, yaam kaam ref o kiin oxaa xaaɗna o don, gen a ndeer xeet faa nqaaɗna o don itam, soo a kid es a nga o Maad oxe, o Yaal oxe Hupna fop!»

Esayi 9:18

Saax le xan a raaɓel na pexey fuux le no Yaal oxe Hupna fop, soo xeet fee a ref muud fiɗel le. O leng yirimkatee o pog um.

Yeremi 12:6

Fog of sax fo ƥasil of fa qoox den xan a ngodong. Den itam xan a njax xa buuq a cinj of. Ba o hooloox a den, yaa da layaa fa wo a ƭelem a pelu.»

Yeremi 22:16

Kaa ɓoxotoogu o ndool onqe fo o toroxu xe wargal den, too fop a faax’a. Ndax keene refee o andaam? Mi o Yaal oxe layun.

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

Yeremi 5:4

Maaga, layaam ee: «Wiin heesu soom a ndefu, a mbi’aa ƥooɓodaxir, yaam andee a ƭat ale no Yaal oxe, ke Roog den a simitna.

Yeremi 5:5

Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

Yeremi 6:28

Den fop faafañ saƭku a qoox a ndefu, a ñu’aa lakas we, a saƭik koŋ nen xanjar mbaat njelem, a ndef den fop fiifi paaxeer.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Yeremi 9:5

Kaa o gen a ndeer naanaxir ƥor, naanaxir doŋ taxu da mbañaam o and.» O Yaal oxe layun.

Yeremi 9:8

Ndax xawkiim a den yaam keene, soo rabdinoox took xeet fa nandu neene?» O Yaal oxe layun.

Heseki’el 8:13

A layahinaxam ee: «Xan o ga’ahin cednooxu maak lakas kaa da mbi’aa.»

Dañel 11:27

Oxuu refna no maad ɗik weene xan a fofan o kend um paaxeer, too a mbogangaa o roon sax oo, xan a naxraa. Kaa koy, njegkee ne da mbugna, yaam waxtu fee Roog a hapuuna fadafulee.

A paɗax ale 19:11

Ba o leng na nuun a guuɗ mbaat ta maaɓaa mbaat ta ƴiƴtaa o kend um.

Mark 8:38

Oxuu sedaxama, a sed fa lay es ndeer xeet fene na seeqaa, too a mbakaadaa, xan o Ƥeenqe no kiin oxe a sedin yaa ta garkaa kam o ndam Faap um, a yoon fo malaaka tedu ke itam.»

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

A pi ake 24:9

Yaawuur waa ndeeƭna maaga a saƭkina ke Tertulus a jamboogna a Pool, too a mbeera na: Ndigil kak oo.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

O leetar ole Pool a bindna GIMU WE NGENNA ROM 3:13

Fa nqon soom na sutooraa na xa paƭanq den, da mbi a ƭelem den naanaxir, fa lay den a ref daŋat saamaand,

1 Korint 15:34

Nomtiidyo a yiif nuun too mbaas bakaad. A jega waa andeerna a Roog, too gaci yoo na nuun.

Filip 1:28

Baa we nu ngomritaa a ndiidland a nuun. O ñak o diid nuun kaa lalit ee na saŋkax a ndefu, a lalit ee nuun o mat, nuun we na muc. Keene koy na Roog a hatu,

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Haahate we 14:17

O tew oxe kaa looloogu paam Samson no ñaal ɓetuu ƭik ke na put ale den, too no ñaal ɓetuu ƭikandeer naa Samson a tektaan o ten, yaam kaa jom’andoogun. Maaga, o tew oxe a tektaan we na xeet um.

Haahate we 2:10

Cinj kaaga, suk naaga fop a ndaba daan den itam, soo suk lakas naa andeerna o Yaal oxe, ne’atiim ke ta fi’anna a Isra’el, a ndeefan a den.

1 Sami’el 2:12

Xa ƥiy axe Eeli kaa ndeeƭu waa njareerna tus, a ƭat den yong’ee no Yaal oxe.