Yeremi 9:1 - NQAARIIT NE ROOG

¹ Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Yeremi 9:1 Iomraidhean Croise

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

A kim a tedu ke 42:3

O laaw es kaa diilooxaa a Roog, a Roog fa ñoow jok fee. A mban um jasnoorkaa fo ten?

A kim a tedu ke 55:7

Kaam ee: «Ey! Um waag’angaa o jeg a nafir nen a nuukuur, yaaga naagkoogaam fir, dongik maa ñootnoortuuma.

Esayi 16:9

Ten taxu mexe loolandooraa fa Yaseer fo taxar biiñ ke Sibma. Wo Hesebon fa wo Eleyale, mexe yernitaa a nuun xa kooniit es, yaam xa soroxole nantataand na ƥoor ale nuun fo na saxad ale nuun.

Esayi 22:4

Ten taxu um lay ee: «Mbaasaamoo pelek, nqaƴaamoo um lool boo torox. Ba nu njeemaam o yaal no njakad onqe na dalkaa o njaaƈ o ndoog onqe refna xeet es.»

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Yeremi 8:18

Naqad es waagee o wat, xeeñ es kaa doxaa taa kam es.

Yeremi 9:18

Yaam o ñuxur ƭomatax a nannoorta Siyoŋ ee: «Cey, i ngefe tuƈ! I njega gaci fa ƭomu, yaam i mbara o nqaƴ saax le, kenand ke in a mbaytel.»

A ƭomatax ake 2:11

A kid es kaa nqooɗat yaam xa lool, laaw ke mi a mbaƴaa kam es, o soylaar es a ɓaxooxaa a lanq, yaam o njakad onqe dalna xeet es, fo xa caaƈ axe fo bax ke na patooxaa no ped ke na teeru fee.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Hoose 7:4

Den fop kaa seeqaa, a nandtaa njuɗand puuru naa o cuujuɗ oxe a heƥandna. Soxla’atee o wuuɗaa fiɗel le, yaa ta jaxasna nqiiw ne boo yaa ta foɗaxna.