Yeremi 39:3 - NQAARIIT NE ROOG

³ Maaga, aa-adax we no maad oxe Babilon fop a ndoka na teeru fee, a ndal no Ndokand a ndeer ne. A jeg’a maaga a Nergal-Sareseer fee adooxanna xiixire we, Samgar-Nebo, Sarsekim fee adooxanna cawdiin ke, Nergal-Sareseer fee adooxanna yaal-o-and we fo aa-adax lakas we no maad oxe Babilon fop.

Yeremi 39:3 Iomraidhean Croise

Yeremi 38:17

Yeremi a laya a Sedekiya yee: «Keeke o Yaal oxe Roog fee Hupna fop, Roog fee Isra’el, a layu: ‹O sutooxangaa ɓoxotoox no kelfa kaa no maad oxe Babilon, xan o mucil o ñis of, too teeru fene raaɓkaand. Xan o ñoow, wo fo ƥasil of.

Yeremi 21:4

Keeke o Yaal oxe Roog fee Isra’el a layu: «Kaa nu ñoxoraa fo o maad oxe Babilon fo a yaj ake ten ƥiikilna a nuun. Kaa koy, xam ser xiixire we na ñoxorteel ƥonax den tafil saŋe ne da nomtoox cook kam ee kam teeru fee.

Yeremi 39:13

Nebusaradan fee adooxanna yeeyetax we no maad oxe, Nebusasban fee adooxanna cawdiin ke, Nergal-Saretseer fee adooxanna yaal-o-and we fo aa-adax we no maad oxe Babilon fop

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

2 Maad we 17:30

Wiin we Babilon a mbi’a nitaal Sukot-Benot fee roog den, wiin we Kuta a mbi a Nergal, we Hamat a mbi a Asima,

Heseki’el 26:10

Fo ut ole no pis mayaan ke ten xan a muurong. Saŋe ke wo xan a send no fangax le no ŋaaŋaay pis we fo no le na saang ake fo no le na sareet-xire ke, yaa ta rokkaa no tokand ke wo, ne teeru faa jaɓeena a rokteel.