Yeremi 39:1 - NQAARIIT NE ROOG

¹ No hiid o ɓetuu nahkandeer ole no maat Sedekiya fee o maad Yudaa, no nqool xarɓaxayandeer onqe, Nebukadnesaar fee o maad oxe Babilon a gara fo xiixire um fop mbaambir Yeerusaleem, a mbidin o kurul-keƥ.

Yeremi 39:1 Iomraidhean Croise

Sakari 8:19

«Koor ne no nqool o nahkandeer onqe, ne no nqool o ƥetkandeer onqe, ne no nqool ɓetuu ƭikandeer onqe fo ne no nqool xarɓaxayandeer onqe xan a ndefat no mbind Yudaa ñaal o mbelakinax fo o ɗaay, a ndef toofeen pelu. Kaa koy, mbexyo ndigil fa jam! Mi o Yaal oxe Hupna fop layun.

A cangatin ale 28:36

Xan o Yaal oxe a ñaaƴnoor a nuun, nuun fo o maad oxe nu ndalnankaa a qoox nuun, farna fa xeet faa nu andeerna, daan nuun and’iran, soo nu mbaɗooxaa maaga roog lakas kaa ndefna a teex fo a ƥil.

Yeremi 32:1

O Yaal oxe a daawna a Yeremi fa lay um no hiid xarɓaxayandeer olaa no maat Sedekiya fee o maad Yudaa. Kaa jopir’u fo hiid xarɓaxay fo hiid o ɓetuu dadkandeer olaa no maat Nebukadnesaar.

Yeremi 34:1

O Yaal oxe a daawna a Yeremi fa lay um na xa ƭelem axene ye Nebukadnesaar fee o maad oxe Babilon fo a yaj no xiixire um fop, maat ke no lanq ke fo qeet ke ta hame’na fop a nqire’aa fa Yeerusaleem fo teeru ke ta waxooxna fop:

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Heseki’el 4:3

Wo koy, xoti ndal njelem, doonin nen tabax njelem ndeer of fa teeru fee, ɓakand mukit of farna fo ten, too xan o songin. Fat a widel o kurul-keƥ. O anddiloor a refu no mbind Isra’el.

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Heseki’el 33:21

No hiid xarɓaxay fo o hiid o ɗikandeer ole no mbaƭ ne in, no ñaal ƥetkandeer ne no nqool xarɓaxayandeer onqe, oxaa mucitna Yeerusaleem, a gara me mi, ndax ta yegnaam ee teeru faa a jaɓe.

Heseki’el 40:1

No hiid qarɓeen ƭik fo ɓetkandeer ole no mbaƭ naa in, no mberaandoong ne no hiid ole, no ñaal xarɓaxayandeer ne no nqool onqe, xa kiid xarɓaxay fo xa kiid xa nahaq cinj ye teeru fee a gefeena tuƈ, a koom o ɓay no Yaal oxe a doonooxa took es,

2 Caloori ke 36:17

Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.

Yeremi 6:6

Keeke o Yaal oxe Hupna fop a layu: «Mbuuɓyo taxar ke, maxit a den a uum lanq a songir no saŋe ne Yeerusaleem. Teeru fee wareena o xaw oo, yaam ñagadil ƥor ndefu kam fee.

Yeremi 52:1

Sedekiya a jeg’a xa kiid qarɓeen ƭik fo o hiid o leng, ye ta sogna refaa o maad. A maadooxa xa kiid xarɓaxay fo o hiid o leng kam Yeerusaleem. Ya um Hamutal a ne’’e, a ref o ƥiy Yeremi fee gen’ina Libna.