Yeremi 3:3 - NQAARIIT NE ROOG

³ Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Yeremi 3:3 Iomraidhean Croise

Mberaand 19:34

No feet olaa, taaw fee a laya o ndeɓ onqe yee: «Wondooxaam fa faap es o xoo. Fat i yernahinin biiñ no yeng olene, o ret wondook fo ten, ndax i sakan a faap in xa taan.»

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

Xa peƭit axe 21:29

O soxodu xe kaa hiɓaa a tagid, o cofu xe mat a woornaa a pesoorooƭ um.

Esayi 5:6

Xam xaƴin ta ñar. Calaskataand mbaat ta xooxel, tomb fo takar-ñiig xan a saxik teen, too xam xañit a eel ake da ndeɓ took um.

Yeremi 14:1

Keeke o Yaal oxe a layu a Yeremi ye fo feñ ole:

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Yeremi 14:3

Wiin maak we a lula fo mboƭomsogor ne, da mbaaƭik foofi. Ye weene a mbadiidna no pand ke, soƥee teen foofi soo a nomtooxiid fo qaw ƥor, a may fo gaci, a sed, a muuroox.

Yeremi 14:4

Lanq ke a mbeɗɗa, yaam ne a teƥ a jegateerna no saax le, too xooxoox we a seda, a muuroox.

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

Yeremi 5:24

Layee taa kam den ee: ‹Fat i saɗar o Yaal oxe Roog in, ten oxe na ci’taa a teƥ na waxtu um, ta ref na sarandam fo no seek o deɓ, soo a kesan a in a pe ake na saxad ale.›

Yeremi 5:25

Tooñ ke nuun o mat nootu keene fop, pakaad ke nuun a nqañ a nuun paax keene.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Heseki’el 3:7

Kaa koy, mbind Isra’el njaɓkirang o nan-giloox, yaam njaɓiraam o nan-giloox, mbind Isra’el fop kaa saƭik a qoox too a ndir a qeeñ.

A paɗax ale 26:19

Xam supit asamaan fee yoorooxna a nuun, ta nandat nen njelem boo deɓkatee, soo lanq ke a naagat koŋ, a saƭik nen xanjar, yaam a nga’aƭar o toq. Neene, xam ñuf doole fa nga’atinoor nuun.

Amos 4:7

Doonaam teen xañ a nuun a teƥ boo a qool a tadak no ndiig, deɓan saax, xuur le ta detoorna, o qol a deɓel, ole ta detoorna a ga’aƭar o ndoq, duufe um fop a weer.

Amos 4:8

Fi’aanum boo a saax a ƭak bo na tadak a ƥunik no saax jan, too nga’ee kaa xeƴna a den, ndaa dara teen taxee nu naang cook nomtooxiid me mi. Mi o Yaal oxe layun.

Sofoni 2:1

Nuun xeet fee naangeerna sedaa, ƭeetaqinyo a qoox nuun, ƥek a yiif nuun na adna,

Sofoni 3:5

Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.

Safe le no tuleer AGE 1:11

Kaam yooriid o feñ kam saax le, took xa coong axe fo na xa qol bele xe na ƭing taxar biiñ ake fo na ƭing taxar oliiw ake fo no lakas ke na xooxeel took lanq ke fop, too wiin we fo cegel ke a yegaan, jale na xa ƥay axe a kasaara’oox.»

A cangatin ale 28:23

Asamaan fee yoorooxna a nuun xan a naag kaŋ nen xanjar, soo lanq ke nu ndakaa a mbeer koroŋ nen njelem.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.