Yeremi 27:3 - NQAARIIT NE ROOG

³ Lulti a den o maad oxe Edoom, oxe Mowaab, oxe no Aa-amon we, oxe Tiir fo xe Sidoŋ, reefandin no duleer we den ngarna Yeerusaleem me Sedekiya fee o maad Yudaa.

Yeremi 27:3 Iomraidhean Croise

2 Caloori ke 36:13

A siiknoora sax fo o maad Nebukadnesaar fee daaɓooxnoor’uuna na Roog. A jikooxa o saƭik xoox, a ŋaj, a fañ o nomtooxiid no Yaal oxe Roog fee Isra’el.

Esayi 23:4

Wo Sidoŋ, saŋe ne no maag ole, refi na gaci, yaam keeke o maag ole a layu: «Gaajooxkiim, ñootkiim too ñoowinkiim mboƥ ngoor mbaat um yar xa caaƈ xa tew.»

Yeremi 27:12

Daawnaam deŋ a Sedekiya fee o maad Yudaa leng kut ke yee: «Njaɓyo ngadoox a kadoor ale o maad oxe Babilon a seraa a nuun, ndagooxin, ten fa xeet um, too yaaga xan nu ñoow.

Yeremi 27:4

Ɓisni a den da lay yaal den ee: Keeke o Yaal oxe Roog fee Isra’el Hupna fop a layu: Keeke nu laykaa yaal nuun:

Yeremi 28:1

No hiid o leng kut ole, no mberaandoong ne no maat Sedekiya fee o maad Yudaa, no nqool o ƥetkandeer onqe no hiid o nahkandeer ole, o tuleer Hananiya fee o ƥiy Asur, genna Gibe’on, a layaxam kam Mbind ne no Yaal oxe mbaambir saasadax we fa xeet fee fop ee:

Heseki’el 29:18

«Wo fee o ƥiy no kiin, Nebukadnesaar fee o maad oxe Babilon a jalnoora xiixire we ten boo da nqij, ndax ta song a Tiir. A qoox ake fop a meela, a kand ake fop a ƥurdoox, too xottee na Tiir ndabid leng, refee ten mbaat xiixire um, no calel ke ta fi’na took Tiir.

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal: