Yeremi 24:3 - NQAARIIT NE ROOG

³ O Yaal oxe a laamtaxam ee: «Yeremi, xar ga’o?» Um doon ee: «Xa tun ga’um. Xa tun xa paax axe kaa mbaax lool, xa paaxeer axe a mbaaxaƭar a mbaaxaƭar, boo mbaagaand o ñaam.»

Yeremi 24:3 Iomraidhean Croise

Yeremi 24:4

Maaga, o Yaal oxe a layaxam ee:

Yeremi 29:17

Keeke o Yaal oxe Hupna fop a layu: ‹Mexe ɓisiidaa took den xire, biim fa piste. Xam fi da nand nen xa tun xa potu xaa mbaaxaƭarna mbaaxaƭar boo mbaagaand o ñaam.

Amos 7:8

Naaga, o Yaal oxe a layaxam ee: «Amos! Xar ga’o?» Um doonin ee: «O ƥaak o fodrandir.» Ta layaam ee: «Xam dalin o ƥaak o fodrandir kam Isra’el fee xeet es, too yaaga a baasan es fa den a faaf.

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

Sakari 4:2

A laamtaxam ee: «Xar o ga’aa?» Doonaanum ee: «Ke um ga’aa de a pagal alaa refna wurus fa ƥor oo fo yipir diwliin no jul ole ten, soo ta saq xa lampa ɓetaa ƭaq fo xa mees ɓetaa ƭaq na xa lampa xe ndefna no jul ole na pagal ale.

Sakari 5:2

Malaaka fee a laamtaxam ee: «Xar o ga’aa?» Doonaanum ee: «Ke um ga’aa de o laxas safe laa na yetaa yoo, o cigdel um a fi xa noonoong qarɓeen ƭik, soo o yaajel um a fi xa noonoong xarɓaxay.»

1 Sami’el 9:9

Sawul a laya o tag oxaa ten ee: «Ke layoona a faaxa lool. Gari i ndet.» Naaga, a ndeta na teeru faa o kiin Roog oxaa a gen’ina. Ye da ŋaayaa na teeru faa, a nqeta fo roog waa ƈeewkoogna. A laamta a den ee: «Ndax o ƭeet oxe xey meen?» (Yaa fa yaaga kam Isra’el, o kiin oxe ga’rikoogna fa Roog kaa layoogu yee: «Fat i ndet maa no ƭeet oxaa», yaam oxe i nqoyaa ndiiki o tuleer Roog, kaa xoyoogel yaaga o ƭeet.)