Yeremi 24:2 - NQAARIIT NE ROOG

² A leng na ƭamba ke kaa saq’u xa tun xa paaxu lool nen xa tun xa poorateel axe, soo a ƭamba lakas ale a saq xa tun axaa mbaaxaƭarna mbaaxaƭar, boo mbaagaand o ñaam.

Yeremi 24:2 Iomraidhean Croise

Esayi 5:4

Ndax waag’aanum o fi’an kupu ke fi’uuma? Mexey yaakaarooga o jegit teen xa tim biiñ xa safu, soo ta dek a rimik kaa jaɓeerna no don.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

Yeremi 29:17

Keeke o Yaal oxe Hupna fop a layu: ‹Mexe ɓisiidaa took den xire, biim fa piste. Xam fi da nand nen xa tun xa potu xaa mbaaxaƭarna mbaaxaƭar boo mbaagaand o ñaam.

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

Mise 7:1

Sabab took es, yaam kaam nand fo xaa na giskaa xa tim, nen oxaa na gisaatooxaa xa biiñ cinj a ƥoor ale. Nduunq leng naa ñaameena jegatee, ne’atiim o run o leng olaa yaawuuma.

Nahum 3:12

Saŋe ke wo fop kaa nand nen tun kaa saqna xa tun xa poorateel. Oxe bugna ñaam a den a yo’nangaa ndaxar ne rek, da yen kam o don um.

A lim ale 18:13

Fop ke da ƥisiidkaxam no ke eetna o foor, nuun na njegkan. Oxuu fogna no ƥasil nuun too a xool, a waaga o ñaam teen.

Mace 5:13

«Nuun ndefu fo jem ole na adna fee. Fo jem o mat, a jematangee, xar waagatu tax ta jem? Jiriiñatee tus a refangeerna a deɓel tafil, soo wiin we a ndakin.