Yeremi 24:1 - NQAARIIT NE ROOG

¹ O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Yeremi 24:1 Iomraidhean Croise

Yeremi 29:2

A lulta o leetar ole cinj ye o maad Yoyakin, ya no maad oxe, cawdiin ke, kelfa ke Yudaa fo ke Yeerusaleem, daadaaƴ we fo faal tafax we a mbar’ina o sutoox Yeerusaleem.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

Sakari 3:1

Cinj kaaga, o Yaal oxe a feeñlaxam a Yosuwe fee o saasadax o maak oxe, ta geenoox mbaambir malaaka fee no Yaal oxe, too Saytaane a geenoox’a na ñamaak Yosuwe, a jamban.

Amos 7:7

O Yaal oxe a dakooxaxam o feeñil kene: Kaam ga’in, ten fa xoox um, ta ŋaay no tabax, soo a deegoox o ƥaak o fodrandir.

Amos 7:4

O Yaal oxe na refkaa boo faw a dakooxaxam o feeñil keeke, a layaam ee xan a xawit fiɗel we na mbi’aa njofaƭar, fiɗel le a ŋeerin poofi ke no qooƭ ke na juwaam fee, soo a raaɓ xa qol axe.

Amos 7:1

Bes, cinj ye o maad oxe a saxadaneena boo a ƴut, ye daaƭ le a saxatinaa, o Yaal oxe na refkaa boo faw a lalaxam keeke: O Yaal oxe a dalfooxa o yoɗ tooroog,

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Heseki’el 19:9

A ɓeke no korka fo xa keɗ, a ɓisel maa no maad oxe Babilon. A ɓise no saŋe, ndax o ñuxur um nankataand took xa coong axe Isra’el.»

2 Maad we 24:10

Na jamaane faaga, dag we Nebukadnesaar fee o maad oxe Babilon a ngarana teeru fee Yeerusaleem, a mbidin o kurul-keƥ.

Esayi 13:1

Keeke refu ke o Yaal oxe a feeñilna a Esayi fee o ƥiy Amoc, ta dalkaa a Babilon:

Yeremi 27:20

ke Nebukadnesaar fee o maad oxe Babilon a xot’eerna, ye ta damitna Yeerusaleem a Yoyakin fee o ƥiy Yoyakim, too a ref o maad Yudaa, fo garmi ke Yudaa fo ke Yeerusaleem fop, a ɓis a den took o hup doole kam Babilon.

Yeremi 28:4

Xam nomtiid no mbiñ onqene itam a Yoyakin fee o ƥiy Yoyakim, too a ref o maad Yudaa, fo fop we Yudaa ƥis’eena took o hup doole kam Babilon, yaam xam ɓol a kadoor ale o maad oxe Babilon a seraa a nuun.› »

Yeremi 29:1

Keeke refu ke bindeena kam o leetar ole o tuleer Yeremi a lultitna Yeerusaleem me no we yoqna no maak we ƥis’eena took o hup doole, saasadax we, duleer we fa xeet fee fop Nebukadnesaar a damit’ina Yeerusaleem, a ɓis a den took o hup doole kam Babilon.

Yeremi 37:1

Nebukadnesaar fee o maad oxe Babilon a dalin’a a Sedekiya fee o ƥiy Yosiya o maad no saax le Yudaa na seek Yoyakin fee o ƥiy Yoyakim.

Yeremi 13:19

Teeru ke no ɓemb-roog o ñamaak kaa mbegel, o leng wetatee tokand ke den, yaam xeet fee Yudaa fop a ƥise took o hup doole, a ƥise took o hup doole ne da mbodeena fop.»

Heseki’el 17:4

A farda o yar ole moƴna o goƭ took na xa yar axe ten, a ɓisin no saax no jula soo a doonin na teeru fa njula’ir.