Yeremi 21:4 - NQAARIIT NE ROOG

⁴ Keeke o Yaal oxe Roog fee Isra’el a layu: «Kaa nu ñoxoraa fo o maad oxe Babilon fo a yaj ake ten ƥiikilna a nuun. Kaa koy, xam ser xiixire we na ñoxorteel ƥonax den tafil saŋe ne da nomtoox cook kam ee kam teeru fee.

Yeremi 21:4 Iomraidhean Croise

Yeremi 33:5

We ngenna na teeru fee xan a ñoxorik fo Kaakalde we, ndaa ɗaxkee dara. Kefatin ke no pind ke xan a may muut fo xa tal no wiin. Kam fuux es fo kam o say es, xam xaw we ngenna Yeerusaleem. Xam xuun teeru fene yaam kañaan den.

Yeremi 32:5

Cinj kaaga, xan Sedekiya a ɓisel Babilon, maa ta yoqkaa boo yaa um topatooxkan. Mi o Yaal oxe layun. Nu nqire’angaa fo Kaakalde we sax, nu njegkee ne nu mbugna.»

Esayi 13:4

Nan-gilooxyo combol le took xa coong axe. O nanangaan ee faan jegu doole. Nan-gilooxyo fangax leene no maat ke fo a saax ake mbokatoorna. O Yaal oxe Hupna fop na horooxaa xiixire we na ñoxorkeel.

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Sakari 14:2

O Yaal oxe xan a fokat qeet ke fop, da inooxan a Yeerusaleem. Teeru fee xan a jaɓel, pind ke a mbaltel, rew we a ngignel, genwal fee no wiin we a ƥisel gilaa saax took o hup doole, ndaa we na yoqkaa na den sutkaand teeru fee.

A ƭomatax ake 2:7

O Yaal oxe a sibda o sadaxand ole ten, a pilid Mbind tedu ne ten. A ɓoxota na xa ƥay no pañ oxe saŋe ke fo pind mosu ke Siyoŋ. Combol a jibta kam Mbind ne no Yaal oxe nen na bes ndoofeen.

A ƭomatax ake 2:5

O Yaal oxe kaa reeƭu nen o pañ. A gefa a Isra’el tuƈ, a yaq pind no maad ke ten, a jiƭit saŋe ke ten, a mayƭand a Yudaa fo ƭomatax fo xa iin.

Yeremi 39:3

Maaga, aa-adax we no maad oxe Babilon fop a ndoka na teeru fee, a ndal no Ndokand a ndeer ne. A jeg’a maaga a Nergal-Sareseer fee adooxanna xiixire we, Samgar-Nebo, Sarsekim fee adooxanna cawdiin ke, Nergal-Sareseer fee adooxanna yaal-o-and we fo aa-adax lakas we no maad oxe Babilon fop.

Mace 22:7

O maad oxaa a fuuxa, too a lula dag um ndax da mbarik wiin faaxeer waaga, soo a ndox teeru faa den.

Hoose 9:12

A yarangaa xa ƥiy den sax, xam ñaknoor a den weene boo o leng yoqkee. Sabab took den, yaa um waaskaa a den pelek!

Yeremi 52:18

A njanga fo ngaleera ne, xa ƥang axe, capil ke, a tokol a biisir ake, a tokol a lakas ake fo ƥaxañ xanjar ke fop njiriiñooroogeena na paɗax ale.

Esayi 10:4

O lupandoox fo we ndameena soom nu yoqɗu mbaat nu yen fo we mbareena. Kaa koy, keene fop taxkee fuux le no Yaal oxe a ɓoos, too o ɓay um ole yoɗooxa boo fa ndiik.

Yeremi 20:4

Yaam keeke o Yaal oxe a layu: ‹Xam ɓekong no diid, wo fo qaariit of fop. Xan laƥ ne no pañ den a maaf a den, too xan o ga’oodin. Xam ɓoxot xeet fee Yudaa fop na xa ƥay no maad oxe Babilon, too xan a ɓis a den Babilon took o hup doole, a xawit a den laƥ.

Yeremi 32:3

Sedekiya kaa wegin’u o tuleer oxe, a xasanan ke taxna ta yegnit fa lay feeke no Yaal oxe: «Nga’yo, xam ɓoxot teeru fene na xa ƥay no maad oxe Babilon, too xan a jangin.

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

A ƭomatax ake 2:3

Kam ngañak um a ɓola o rand ole Isra’el. A ŋooka a ñamaak um, ye o pañ oxe a garna. A heƥanda kam Yakoob aal fiɗel laa raaɓuuna o saax oo saax.

Heseki’el 39:3

Xam duguñ a qali le wo pokooxoona no ɓay o janoon of soo samin a kas ake wo saqoona no ɓay o ñamaak of.