Yeremi 21:1 - NQAARIIT NE ROOG

^1-3 O maad Sedekiya a lula a Pasehuur fee o ƥiy Malkiya, ten fa Sefaniya fee o saasadax too a ref o ƥiy Maseya maa Yeremi, ndax da layin ee: «Ga’rani a in fo o Yaal oxe, yaam Nebukadnesaar fee o maad oxe Babilon oxe xire’aa fa in. Xeƈa xan o Yaal oxe a fi’anahin a in njomlaand, ndax o pañ in oxeene a riƈatoox a in.» Maaga, o Yaal oxe a daawna a Yeremi fa lay um, soo ta heblit o yegnanel a Sedekiya yee:

Yeremi 21:1 Iomraidhean Croise

Yeremi 37:3

O maad Sedekiya a lula a Yukal fee o ƥiy Selemiya fa Sefaniya fee o saasadax, too a ref o ƥiy Maseya, maa no tuleer Yeremi, ndax da layin ee: «Xeɗooxani a in o Yaal oxe Roog in!»

Yeremi 29:25

«Keeke o Yaal oxe Roog fee Isra’el Hupna fop a layu: ‹Lultaa o leetar no gon of a Sefaniya fee o ƥiy Maseya, too a ref o saasadax, lultin itam saasadax lakas we fa xeet fee Yeerusaleem fop, ndax o lay ee:

Yeremi 52:24

O aa-adax oxe no yeeyetax we a dama a Seraya fee o saasadax o maak oxe fa Sefaniya fee o saasadax oxe reefanuuna fo yeeyetax daduk we no ndokand ne no Mbind ne no Yaal oxe.

Yeremi 38:1

Sefatiya fee o ƥiy Matan, Gedaliya fee o ƥiy Pasehuur, Yukal fee o ƥiy Selemiya fa Pasehuur fee o ƥiy Malkiya a nana ye Yeremi a layaa xeet fee fop ee:

Yeremi 37:1

Nebukadnesaar fee o maad oxe Babilon a dalin’a a Sedekiya fee o ƥiy Yosiya o maad no saax le Yudaa na seek Yoyakin fee o ƥiy Yoyakim.

1 Caloori ke 9:12

A jeg’a itam a Adaya too daan um a ndef Yeroham fa Pasehuur fa Malkiya. A jeg’ahina a Masay too daan um a ndef Adi’el, Yasera, Mesulam, Mesilemit fa Imer.

Nehemi 11:12

Fog den we njaloogna no Mbind Roog ne a ndeeƭa fop oo fop teemeed ɓetuu tadik fo qarɓeen ƭik fo ɗik. A jeg’ahina a Adaya fee o ƥiy Yeroham, daan um a ndefna Pelaliya, Amsi, Sakari, Pasehuur fa Malkiya,

1 Caloori ke 3:15

Weeke ndefu xa ƥiy axe Yosiya: Taaw fee refu Yohanan, o ƭikandeer oxe a ref Yoyakim, o tadkandeer oxe a ref Sedekiya, soo o nahkandeer oxe a ref Saalum.

2 Caloori ke 36:17

Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.

Yeremi 29:29

Sefaniya fee o saasadax a janga o leetar oleene a maak, too o tuleer Yeremi itam a nanaan.

Yeremi 37:7

«Keeke o Yaal oxe Roog fee Isra’el a layu: Fat nu lay kene o maad oxe Yudaa lulna a nuun, ndax nu nga’ir fa mi: Xiixire we Firawon fee sutoox’ina, ndax da ƈufgiid a nuun, owe nomtooxaa no saax den Misira.

Yeremi 37:17

Na bes fa leng, o maad Sedekiya a lulta o xotankel a Yeremi too a laamtaan na pet kam mbind no maad ne ten ee: «Ndax jegaa fa lay faa inoorna no Yaal oxe?» Yeremi a doona yee: «Ii, jegaanum.» A ɓaata teen ee: «Xan o ɓoxotel na xa ƥay no maad oxe Babilon.»

Yeremi 38:14

O maad Sedekiya a lulta o xotankel o tuleer Yeremi, a ɓisaniidel o ten no ndokand ndadkandeer ne no Mbind ne no Yaal oxe. O maad oxe a laya a Yeremi yee: «Kaam bug’ong o laamit tig! Ba o ɗasnaam dara.»

2 Maad we 22:13

«Ndetyo laamtankaam o Yaal oxe, mi fa xeet fee Yudaa fop, no kaa farna no ke layeena no safe lene sogna o ga’eel, yaam fuux le no Yaal oxe a magna lool. Ne daan in a nananeerna fa lay fee no safe lene too ndeefee fop ke i mbindaneena teen taxu fuux le no Yaal oxe a ɓiltooxan a in.»

Yeremi 35:4

Ɓisaam a den no Mbind ne no Yaal oxe, ɓek a den na ndok alaa daalbe we Hanan fee o ƥiy Yigdaliya, too a ref o kiin Roog, a mer’ina o mbokatooraa. A ndok aleene kaa reeƭu paam ale no kelfa ke soo a garit took ale Maseya fee o ƥiy Saalum, too a ref o saasadax oxaa saq’ina a yetax ale no ndokand ne no Mbind Roog ne.