Yeremi 19:4 - NQAARIIT NE ROOG

⁴ Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 19:4 Iomraidhean Croise

Yeremi 2:34

Fo’oy le no toroxu we mbi’eerna dara oxey na xa lifar axe no ndoki ne wo. Yaag oo toox de betiro a den da mbaƭtaa begax of. Keene fop yaqanee

Esayi 65:11

Nuun we mbaasaxama koy, soo mbeecit o joong o tedu le mi, nuun we na ndoxanaa a Gaad ñaamel soo ƥoxotaa a Meni biiñ fa njaxase,

2 Maad we 21:16

Manaase a ɓaxa itam fo’oy no caambuur mayu boo Yeerusaleem a may fo fo’oy, fogreerna fo pakaad ke ta bakaadnoor’ina wiin we Yudaa, ye ta fi’na kaa faaxeerna na kid no Yaal oxe.

A cangatin ale 28:20

No kuu nu ndokna rek xan o Yaal oxe a hebliid took nuun o halakax fo o jaq fo o njaaxɗataand, boo yaa ta saŋikna a nuun, a moocand a nuun boo tus yaam a pi a paaxeer ake nuun fo ne nu nqaƴuuna.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Esayi 59:7

O fi paaxeer doŋ a ƈufanaa, a ñofandooxanaa o mbar o cofu xe. Yuuɓee dara a refangeerna o mbi lakas we paaxeer. Muu da ndeefna, a mbaas maaga yaqe fo boom.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

YEGIL MBAAX NE YEESU ne Lik a bindtuuna 11:50

Neene, fo’oy laa no duleer waa mbar’eena no mberaandoong adna xan a yen took wiin we ndiiki,

A ƭomatax ake 4:13

Keene fop o ngar fo pakaad ke no duleer we fo tooñ ke no saasadax we yoo, den we ƥax’ina kam teeru fee fo’oy le no jofu we.

Yeremi 26:23

A sutta a Uriya Misira, a ƥisin maa no maad Yoyakim. Oxeene a warnoortaan laƥ, a deɓnoor o dal ole ten no gasand ole rool we a ngaseel.

Yeremi 26:15

Kaa rek, fat nu and a paax ee nu mbarangaam, nu ngadooxa fo’oy jaambuur, nuun fa teeru fene fo we ngenna teen. Yaam no ndigil, o Yaal oxe lulaxam me nuun, ndax um yegin a nuun a ƭelem akeene fop.»

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 16:11

Maaga, fat o doon a den ee: ‹O Yaal oxe kaa tee: Ke taxuuna refu yee daan nuun kaa mbaasaam, a ngiɓoor fo roog lakas, a mbaɗooxaa a den soo a ngungaa mbaambir den. Mi o mat a mbaasaxam, too ngayee a cangin es.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

A cangatin ale 28:36

Xan o Yaal oxe a ñaaƴnoor a nuun, nuun fo o maad oxe nu ndalnankaa a qoox nuun, farna fa xeet faa nu andeerna, daan nuun and’iran, soo nu mbaɗooxaa maaga roog lakas kaa ndefna a teex fo a ƥil.

A cangatin ale 13:13

Nu nanangaa ta layteel na fa leng no teeru ke o Yaal oxe Roog nuun a ci’na a nuun nu ngenkin ee

A cangatin ale 13:6

O tuleer oxeene mbaat o maɗag oxeene kaa war o warel, yaam kaa soobaa a nuun nu mbes a cinj o Yaal oxe Roog nuun, sutna a nuun no saax laa Misira, a wat a nuun no mbaƭ naa. Oxeene tuleer kaa bug o ɗapnoor a nuun a ƭat ale o Yaal oxe Roog nuun a fiisanna a nuun, ndax nu ñaaƴaa teen. Neene, xan nu mbatin paaxeer ke a ndeer nuun.

2 Maad we 23:10

O maad oxe a maasanda a Tofet reeƭna na yulanq alaa Ben-Hinom, ndax o leng doxankatee a Molok o ƥeem o ngoor mbaat o ndew.

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

Yeremi 17:20

Fat o lay a den ee: Nan-gilooxyo ke o Yaal oxe a layna a nuun, nuun maad we Yudaa fo nuun fop we ngenna Yudaa fa Yeerusaleem, na ndoktaa no tokand kene!

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Yeremi 44:3

Keene a xewa, yaam we ngen’ina teen a mbi paaxeer, ndax da mbuuxnooraam. A ndoxana roog can ke cuuraay soo a mbaɗoox a den, ke da and’eerna a den fop oo, ta ref den mbaat nuun mbaat daan nuun.

Heseki’el 7:22

Xam xuun a den soo o jeg es a maasandel. A cuut ake xan a ndok teen soo a maasandin.

Heseki’el 20:26

Xoolaƭarandtaam a den sadax den, ye da sadaxtaa taaw ke den fop, ndax um diidland a den boo da and ee mi refu o Yaal oxe.»

Dañel 11:31

Xan a luliid xiixire da maasand o mbiñ o tedu nqe refna saŋe ne, a ñuf sadax ke ƥoxotoogeena a Roog bes fuu refna, a sip maaga Cakalaaru ke sibdeena.

Haahate we 5:8

Xeet fee kaa njil roog qas boo a tax xire a jib. Pegoor leng sax mbaat a salma waag’aand o ga me no goor cuni qarɓeen nahik kam Isra’el.

A kim a tedu ke 106:38

A ƥaxa fo’oy le no caambuur ke, fo’oy le na xa ƥiy den xa koor fo xa tew, sadaxeena pangool ke no Kaakanaan we, too saax le a maasandte a bar.

Heseki’el 8:11

Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.