Yeremi 19:2 - NQAARIIT NE ROOG

² Sutoorti no ndokand ne no maxand ole, jagin na yulanq alaa Ben-Hinom. Fat o yegnit maaga fa lay fee um daawinkang.

Yeremi 19:2 Iomraidhean Croise

2 Maad we 23:10

O maad oxe a maasanda a Tofet reeƭna na yulanq alaa Ben-Hinom, ndax o leng doxankatee a Molok o ƥeem o ngoor mbaat o ndew.

2 Caloori ke 28:3

A doxooga cuuraay na yulanq alaa Ben-Hinom soo a doxaa xa ƥeem nen sadax, yaam a laalaa a pi a cednooxu ke no qeet ke o Yaal oxe a rax’ina mbaambir Ii-isra’el we.

2 Caloori ke 33:6

A reta sax boo a dox xa ƥeem xa koor nen sadax kam a yulanq alaa Ben-Hinom, a ɗeetaa, a ñango’aa, a fanaa soo a dalin waa na ƈufginooxaa xon we fo maɗag. Kaa moƴ’u moƴ o fi’aa kaa faaxeerna na kid no Yaal oxe, a fuuxnooran.

Nehemi 3:29

Kaltaa den, Saadok fee o ƥiy Imer a jalooga me jasnoorna fo mbind um. Kaltaa um, Semaya fee o ƥiy Sekaniya too a ref o yeeyetax oxe no Ndokand ne no batand a jalooga.

Yeremi 1:7

Kaa koy, o Yaal oxe a layaxam ee: «Ba o lay ee o njaaƈ refo, yaam xan o ret paam no fop we um lulkang, lay fop ke um hebilkang.

Yeremi 11:6

O Yaal oxe a layaxam ee: «Lambni fa lay fene fop kam teeru ke Yudaa fo no ped ke Yeerusaleem ee: Nan-gilooxyo ndegoor ne no ngiɓoor nene too ndeefin!

Yeremi 18:2

«Inooxi, ret no mbind no maamax qaw oxe. Maaga o nanitkaa ke bugoonga o lay.»

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Yeremi 32:35

A maxana a Baal a ñaang a sadaxand na yulanq alaa Ben-Hinom, ndax da ndoxan a Molok xa ƥiy xa koor axe fo xa tew axe den. Hebliim a den keene too mosinum o xalaat sax. Ye da mbi’na cednooxu nandu neene, a mbakaadnoora xeet fee Yudaa.

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

Yoona 3:2

«Inooxi, ret Niniif, na teeru fa maak faa, too lambin ke hebloonga.»

Mace 10:27

Ke um layaa a nuun no niɓaan, layeenoo njoloor. Ke nu nde’eena, yegniteenoo no qel ke!

A pi ake 20:27

yaam yegnaam a nuun yaaga ke Roog a yuuɓna fop, too ɗasniim teen o ndara.

A pi ake 5:20

«Ndetyo moof no Mbind Roog naa, yegin xeet fee fa lay fuu jofna no ñoowooƭ olene.»

Yosuwe 15:8

A xotta maaga, a sag na yulanq alaa Ben-Hinom farna no ɓemb-roog o ñamaak olaa no ƴoong laa no Yeeyebus we, me Yeerusaleem a refna. Cinj kaaga, a suura farna fo jul olaa no joong olaa refna no mudand naa na yulanq alaa Hinom fo no ɓemb-roog o janoon olaa no cat kaa na yulanq alaa no Reerefa we.