Yeremi 19:1 - NQAARIIT NE ROOG

¹ O Yaal oxe a hebla a Yeremi yee: «Reti, o jikit o jalag ƭok maa no maamax xa calag. Cinj kaaga, yooni fo leng-leng no maak we na xeet fee fo maak we no saasadax we.

Yeremi 19:1 Iomraidhean Croise

2 Maad we 19:2

Cinj kaaga, a hebla a Eliyakim fee reeƭna o aa-adax oxe no mbind no maad ne fa Sebna fee o piibind oxe fo maak we no saasadax we nderoox’ina xa saaku, da ndet maa Esayi fee o ƥiy Amoc.

Esayi 30:14

Xan a mok rip nen mbokin no maamax naa gefeena, a fañel o yirim, boo jegatee no kefatin ke sax o mbaambaar onqaa waageena o gefit fiɗel no keƥandan mbaat ta xaftel o mboofi no mband.»

Yeremi 13:1

Keeke refu ke o Yaal oxe a heblaxama: «Reti jikik o kumnoor o pasaak, humnooxin no ndet of, ndaa baa o suupin na foofi muk.»

Yeremi 26:17

Maaga, leng-leng no maak we no saax le a inooxa, a lay mbokatax ne na xeet fee yee:

Yeremi 32:14

Keeke o Yaal oxe Roog fee Isra’el Hupna fop a layu: ‹Jangi a kayit akeene, a kayit a cikir alene wegteena o ñaasir fo a yiƥadax ale ten wegaandeena, ɓek a den no nqaw maxte ƭok, ndax da ngeekel boo a pe a miñu.

A ƭomatax ake 4:2

Xa ƥiy axe Siyoŋ fop njarna, a mbodantoogel wurus fa nqoolu owe ƭeetateel nen xa calag ƭok axaa o ɓay no maamax qaw a jalna!

Heseki’el 4:1

«Ndiiki koy, wo fee o ƥiy no kiin, xoti muul, diƈin mbaambir of, soo samandaal teen teeru, ta ref a Yeerusaleem.

Heseki’el 5:1

«Wo fee o ƥiy no kiin, jangi laƥ mbeelu, jiriiñoorin nen tuusir o raataam. Xan o ruustin xoox of fo o raataam of, cinj kaaga o eed wiil le soo saamin.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

A lim ale 11:16

O Yaal oxe a laya a Moyiis ee: «Fokatanaam goor qarɓeen ɓetuu ɗik no maak we Isra’el, no we andoona da ndef maak too a njeg sañ-sañ na xeet fee. Ɓisi a den no Ƭiif ne um xetteel, mi o Yaal oxe, too fat a ndef maaga fa wo.

Mace 26:3

Saasadax maak we fo maak we fop a mbokatoora no mbind ne no saasadax o maak oxaa ne’eena Kayif.

Mace 27:1

No nqes naa, yaa mbeet naa a xoolaa, saasadax maak waa fo maak waa na xeet faa fop a mbokatoora, ndax da mbar a Yeesu.

A pi ake 21:11

a gar maa in. A janga o kumnoor ole Pool, a hum xa ƥay axe fo a caf ake Pool, too a lay ee: «Keeke Yiif Tedu le a layu: Oxe jegna o kumnoor oleeke, neeke mat Yaawuur we a ngumitkan Yeerusaleem, soo a ƥoxotin na xa ƥay no we ndefeerna Yaawuur.»

2 Korint 4:7

Kaa i saq halal feene, in we ndefna pand maxte lanq, ndax katil neene jegeerna o nand inoorkee no leng na in, ndaa ta inoor na Roog.