O leetar ole Pool a bindna GIMU WE NGENNA ROM 3:9 - NQAARIIT NE ROOG

⁹ Xar i laykaa boog? Ndax in Yaawuur ngupu wiin lakas we? Muk! Yaam i njaɓa yaaga yee Yaawuur we mbaat we ndefeerna Yaawuur, den fop, owe na sañ-sañ bakaad.

O leetar ole Pool a bindna GIMU WE NGENNA ROM 3:9 Iomraidhean Croise

Galati 3:22

A Pind a Tedu ke a lalta yee fop owe na bakaad, ndax ke regit’eena a cooxel we ngimna na Kiristaa.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

Esayi 65:5

Kaa layaa we da nqettaa yee: ‹Goƭaam de, ba o duqaam ndik o xoolaƭarnaam.› Fuux na damaxam, a gen no kaƥaa kam es, yaa ga’uuma keene fop da mbi’aa.

O leetar ole Pool a bindna GIMU WE NGENNA ROM 11:32

Neene, Roog kaa fi wiin we fop faɗ no nanaƭar ne, ndax ta lal a den yirmande um, den fop.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Filip 1:18

Refee dara, yaam ta ref fo yiif xoolu mbaat fo yiif xooleer, Kiristaa kaa moƴ o yegniteel: Sawaraam teen lool, too xam felakinooxahin teen.

Galati 3:10

We na njeemaa o ndeef kebil ke, ndax da ƭeetel nen jofu mbaambir Roog, a salooxe, yaam a binde yee: «Oxuu reefeerna ke bindeena no safe le no kebil ke fop, a fañ o ñoowit ne ta jangnituuna, a salooxe.»

1 Korint 14:15

Yaaga koy, xar na fi’keel? Xeɗaa fo yiif, xeɗtaa o and, gimaa fo yiif, gimtaa o and.

1 Korint 10:19

Kaam ee: Ndax njuurax mbaat mbangool a njega o njiriiñ?

1 Korint 4:7

Kaa nu njeg kaa nu kañteena! Xar nu pokooxu, too refee ci’it? A soƥangaa koy ee ke nu pokooxna fop ci’it oo, xar taxu nu mbakooxaa nen waa njegtuuna no onj den?

O leetar ole Pool a bindna GIMU WE NGENNA ROM 11:7

Xar na laykeel koy? Kene na laykeel: Xeet fee Isra’el ndaawee ke da mbaaƭoogna. Yoqatin we Roog a jilna soom ndaawun. Lakas we o mat, a qeeñ den kaa saƭik’u, soo o and ole a mo a den mir.

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?

O leetar ole Pool a bindna GIMU WE NGENNA ROM 1:18

Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.

YEGIL MBAAX NE YEESU ne Lik a bindtuuna 7:39

Yaa o Farisiya xe xoy’ina a Yeesu a ga’na kaaga, a laya taa no yiif um ee: «O kiin oxene a reeƭangaa o tuleer, a andkooga oxe o tew oxeeke na duqan a refna fo ke ta refna no wiin we. A andkooga yee o paabakaad oo.»

Xa peƭit axe 20:9

An waagu o lay ee: «Dapaam xeeñ es, xool qac na bakaad»?

O leetar ole Pool a bindna GIMU WE NGENNA ROM 2:1

Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

O leetar ole Pool a bindna GIMU WE NGENNA ROM 3:1

Xar refu a seek ale o Yaawuur oxe a waagna o hupit o tefee Yaawuur? Ndi xar refu o njiriiñ onqe nquc a jegna?

O leetar ole Pool a bindna GIMU WE NGENNA ROM 7:14

I anda koy o mat ee kebil ke, na Roog a inooru, ndaa mi, kaam ref o kiin o keesu xaa na dagooxaa bakaad.