O leetar ole Pool a bindna GIMU WE NGENNA ROM 3:5 - NQAARIIT NE ROOG

⁵ Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?

O leetar ole Pool a bindna GIMU WE NGENNA ROM 3:5 Iomraidhean Croise

O leetar ole Pool a bindna GIMU WE NGENNA ROM 6:19

Kaam yooɓandataa fa lay es yaam ne o and nuun a jaakeerna. Yaaga, kaa nu ƥoxotoox’u fo cer nuun fop nen faɗ waa na njalanaa qoolaƭaru fo paaxeer, boo nu siiknoor fa Roog. Neene itam, fat nu ƥoxotoox fo cer nuun fop nen faɗ waa na njalanaa o cofel ole, ndax o ñoowooƭ nuun a ted.

Galati 3:15

Fog we, ndiiki kaam bug o lay kaa andoona yee oxuu refna a andaan: Boo wiin a njofoorna no tig mbaambir no seede, o leng waagatiran o laaf, too o leng waagatee o ɓaat teen tig.

1 Korint 9:8

Keene fop koy, ndax wiin we rek na sertaa a den? Ha’aa, yaam a laye sax no kebil ke Moyiis ee:

O leetar ole Pool a bindna GIMU WE NGENNA ROM 7:7

Xar i mbaru o lay boog? Ndax kebil ke bakaad oo? Ha’aa o mat! Kaa koy de, kebil ke taxu um and bakaad, yaam andkoogiim a yaaw, yaa kebil ke a lay’eerna yee «yaawkiro!»

O leetar ole Pool a bindna GIMU WE NGENNA ROM 4:1

Xar i laykaa boog na Abraham fee o taan in? Xar a daawu nen o kiin?

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

Nahum 1:2

O Yaal oxe kaa ref Roog fa naalu faa na rabdinooxaa. O Yaal oxe kaa rabdinooxaa, a fuux boo a buɓaa. Kaa rabdinooxaa took no fañ we ten, a fuuxanaa we mbinqqoorna fo ten.

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

1 Korint 15:32

A soƥangaa yee a qontax jegee, xar taxu um gomir fo ƥaaɓaan kam teeru fee Efees? Ndax wiin taxu um fi’in? Yaaga xar a ɗaxkaxam? A qontax a jegangee kañ, «fat i ñaamaa, yeraa, yaam o feet i nqon».

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

O leetar ole Pool a bindna GIMU WE NGENNA ROM 6:1

Xar i laykaa koy? Ndax kaa i maadkaa o ñoowaa kam bakaad, ndax yirmande fee Roog a ɓaatoox?

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

O leetar ole Pool a bindna GIMU WE NGENNA ROM 3:7

A soƥangaa yee na pexey o maaɓ es ndigil ne Roog a moƴ’u o xaytaa boo ta jeg teen o ndam, xar taxu mi fa xoox es um hate’el nen o paabakaad?

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

Ke bindeena no xe ne’eena YOB 8:3

Foogaa moos ee xan Roog a hate’it njofaƭar, ndi o Cegu katil oxe xan a sufaal o cofel ole?

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

O leetar ole Pool a bindna GIMU WE NGENNA ROM 8:31

Xar i ƥaatkaa o lay no keene koy? Roog a refanangaa a in, an na waagankaa a in tig?

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 7:11

Ƭeetyo rek ke naqad feene inoorna na Roog a rimanna a nuun. Kaa rimaa fitna fo a baasnax fo fuux fo caƭar fo a tiilax fo o jaflax fo o nqasan. No kuu ta waagna o ref oo nu lalta na qoox nuun ee nu nqoola no keene fop.

Galati 2:18

Bo um maxatinaa ke yaq’uuma no reef a Roog na pexey kebil ke, yaaga o and ee mi fa xoox es, o ƭaaɗap a ƭat refum.