O leetar ole Pool a bindna GIMU WE NGENNA ROM 3:4 - NQAARIIT NE ROOG

⁴ Muk! Boo o kiin oxuu refna a maaɓaa yoo, yaqanee Roog a layaa ndigil, ne a Pind a Tedu ke a laytuuna no ten ee: «Xan o andtel o jof na fa lay of, too oxuu layoorna fa wo xan o ɓurin.»

O leetar ole Pool a bindna GIMU WE NGENNA ROM 3:4 Iomraidhean Croise

Ke bindeena no xe ne’eena YOB 36:3

Xam xotit o and es koƭu soo ɓoxot oxe sakaxama ɓur.

Ke bindeena no xe ne’eena YOB 40:8

Ndax kaa o bug o lay ee hate es jofee, gadnaam tooñ ne, pay fo ɓur le?

A kim a tedu ke 100:5

yaam o Yaal oxe a faaxa. O mbeq um xan a maadaa boo faw, too ngor um xan a ref no suk boo no suk.

A kim a tedu ke 116:11

Kaam layoogu kam o njaaxɗataand es ee: «O kiin oxuu refna o maamaaɓ oo.»

A kim a tedu ke 119:160

Ke hatna no don of fop ndigil a refu, too fop ke simtoona no cofel of kaa ref boo faw.

A kim a tedu ke 138:2

Kaam gungaa no Ngenand tedu ne wo, gidmang yaam o mbeq of fo ngor of, yaam fadniro a tegit of soom, day teen, ndaa fi’aa kupu ke i cungoogna na wo sax.

A kim a tedu ke 51:4

Ɓogaam qac no tooñ es, xoolandaam na bakaad es.

A kim a tedu ke 62:9

Nuun xeet fee, ngoolooxeenoo na waxtu fuu refna, ndoxneenoo ke fidna a nuun. Roog refu njaɓnooxand in. A maaf

Mise 7:20

Xan o lal xa taan axe Yakoob ngor of, feeñil we mbaqaqoorna na Abraham o mbeq of, ne daaɓoortanoona fo daan in no camaane kaa yaaga.

Mace 11:19

o Ƥeenqe no kiin oxe a gar, a ñaamaa a yeraa soo da lay ee: ‹O ñaañaam fo yeeyer oo, a ref xaariit no we na ndabdinooxaa juuti fo no baabakaad we.› Kaa koy, Roog a fi’a jam, yaam o jeg-yiif ole a jofandte a pi um.»

YEGIL MBAAX NE YEESU ne Lik a bindtuuna 20:16

Xan a gar, a saŋik xooxoox waaga, soo a doxin a ƭing ale wiin lakas.» Yaa wiin waa a nanna a naxax aleene, a laya yee: «Muk!»

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

O leetar ole Pool a bindna GIMU WE NGENNA ROM 11:1

Kaam laamtaa boog, ndax Roog a deɓ’a xeet um? Ha’aa o mat, yaam mi fa xoox es sax, o Ii-isra’el refum, ref o ndaan Abraham, fog no kurcala le Bensame.

O leetar ole Pool a bindna GIMU WE NGENNA ROM 11:11

Kaam laamtaa boog, ye Ii-isra’el we a tolofna, ndax kaa da yen, a mbañat o inoox boo faw? Muk! Kaa koy, njom ne den taxu a muc ale a cooxel we ndefeerna Yaawuur, boo a tax Yaawuur we a siisaa weene.

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

O leetar ole Pool a bindna GIMU WE NGENNA ROM 6:15

Nam koy? Xeƈa i mbugko mbakaa­dataa, yaam ne i ndagooxateerna kebil ke, a cinj ye i ndefatna dag na yirmande fee Roog. Boo muk!

O leetar ole Pool a bindna GIMU WE NGENNA ROM 6:2

Boo muk! Yaam ne i nqonna, i ƭegoora o kay fa bakaad. Nam i mbaagu o ndakoox o ñoowatinik kam bakaad koy?

O leetar ole Pool a bindna GIMU WE NGENNA ROM 7:13

Yaaga boog, ndax ke faaxna na waraxam? Ha’aa o mat! Bakaad fee fi’un. O ten o mat wartaxam ke faaxna. Neene kebil ne a laltitu ke bakaad a refna no ndigil, soo a feeñil ne ta faaxaƭaritna tigi.

O leetar ole Pool a bindna GIMU WE NGENNA ROM 7:7

Xar i mbaru o lay boog? Ndax kebil ke bakaad oo? Ha’aa o mat! Kaa koy de, kebil ke taxu um and bakaad, yaam andkoogiim a yaaw, yaa kebil ke a lay’eerna yee «yaawkiro!»

O leetar ole Pool a bindna GIMU WE NGENNA ROM 9:14

Xar i laykaa koy? Ndax Roog kaa jofaƭar boog? Ha’aa muk!

1 Korint 6:15

Kaa nu andee yee cer nuun, a seek no cer ke Kiristaa a ndefu? Ndax xan o kiin a jang a seek no cer ke Kiristaa, a fi’in boo ta refat a seek no cer a caga? Koo boo muk!

2 Korint 1:18

Ne Roog a gore’na koy, ten taxu, a tegit ake nu ndaawitna na in ndefandoor’ee «ii» fa «ha’aa».

Galati 2:17

Ndiiki koy, o nanangaa in Yaawuur, i mbaaƭaa o ƭeetel nen jofu mbaambir Roog na Kiristaa, kaa i ndeeƭu baabakaad nen waa ndefeerna Yaawuur. Yaaga koy, ndax Kiristaa kaa saqtandaa bakaad? Ha’aa, muk!

Galati 2:21

Fañkiim yirmande fee Roog, yaam a reeƭangaa yee o kiin a waaga ɗeetel nen o cofu mbaambir Roog yaam ne ta fi’aa ke kebil ke a layna, Kiristaa dey’ee o xon.

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Hebre 6:18

A jega boog a pi a ƭak akaa mbaagaandeena o supit, too na pi akeene Roog waagee o maaɓ teen muk. Neene, in we njegna ndaɗand no ten, kaa i saƭakineel tigi, ndax i pok ta xiis yaakaar ne i ndegeena.

1Saŋ 5:10

Oxe gimna no Ƥeenqe Roog, a jega seede feene kam um. Oxe gimeerna na Roog, a fi’aan o maamaaɓ, yaam gimee seede fee Roog a seede’anna o Ƥeem.

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.