O leetar ole Pool a bindna GIMU WE NGENNA ROM 3:3 - NQAARIIT NE ROOG

³ Xar na laykeel boog, a soƥangaa yee leng-leng na den kaa ngore’aƭar’u? Ndax ngore’aƭar den neene a waaga o riñ a Roog no gore’aƭar?

O leetar ole Pool a bindna GIMU WE NGENNA ROM 3:3 Iomraidhean Croise

A kim a tedu ke 84:7

Boo da nqaañaa a yulanq ale na xa lool axe, kaa suptooxaa xur mayu a cur, soo a teƥ ale a mayƭandan fa barke.

Esayi 55:11

neene a nandu na fa lay fee na sutooraa no don es. Nomtooxiidkee na mi o ƥor too fadnee ke buguuma, a fadin ke taxna um lulin.

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Mace 24:35

Xan asamaan fo lanq a mbaaf, ndaa fa lay es faafkee boo muk.»

YEGIL MBAAX NE YEESU ne Saŋ a bindtuuna 1:16

I ndaawa koy no paax ke ta garitna fop, ta ref yirmande took yirmande.

O leetar ole Pool a bindna GIMU WE NGENNA ROM 10:16

Kaa koy, fop njaɓee Yegil mbaax ne. Ten taxu Esayi a lay’u yee: «O Yaal oxe, an gimu ke ta nanitna na in?»

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

O leetar ole Pool a bindna GIMU WE NGENNA ROM 9:6

Nof es ɗaaɗee o lay muk ee fa lay fee Roog kaa sañtooxaa, ha’aa! Kaa rek, fog na xeet fee Isra’el taxee fog na xeet fee Roog a jilna,

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

2 Timote 2:13

I ngayangee ngor in, xan a gayan, yaam waagee o xañ a xoox um.

Hebre 4:2

Yaam in fop, i nana Yegil mbaax ne, ne waa ndeeƭna na koƥ-a-ƥor alaa a nanit’uuna. A nan’a yegil neene, ndaa jiriiñ’ee a den dara, yaam kaa da nanin, ndaa ngimiran.

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»