O leetar ole Pool a bindna GIMU WE NGENNA ROM 3:2 - NQAARIIT NE ROOG

² No kuu refna a adoorun. Eetu, Roog kaa doxin Yaawuur we fa lay um.

O leetar ole Pool a bindna GIMU WE NGENNA ROM 3:2 Iomraidhean Croise

O leetar ole Pool a bindna GIMU WE NGENNA ROM 9:4

Weene ndefu Ii-isra’el we, too Roog a fi a den xa ƥeem. A feeñla a den o ndam onqe ten, a dalin fa den kiɓoor ke ten, a coox a den kebil ke fo a tegit ake ten, soo a andnoor a den ne ta wareena o faɗoorit.

A pi ake 7:38

Moyiis feene geenooxoogu paam xeet fee mbokatoor’ina na koƥ-a-ƥor alaa. Ten reeƭu o ndok-a-ndeer ndeer malaaka ne layoogna fo ten no Joong olaa Sinayi fo daan we in. Ten o mat daawu fa lay fa ñoow, ndax ta cooxin a in.

Hebre 5:12

Nu mbar’ata o miñ o ndef jaajangin yaaga. Kaa koy, boo fa ndiik nu soxla’a o njangnel ke eetna na fa lay fee Roog. Nu ngatlafulee ñaamel meɗu. Ten taxu nu soxla’a o numaa fo ɗeen.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

1 Piyeer 4:11

Nuun waawaare we, fat a ƭelem nuun a njagir fo fa lay fee Roog. Nuun we ndefna diidimle itam, fat nu ndimle’taa fa doole fee Roog a cooxna a nuun, ndax no kuu ta waagna waag o ref, Roog a ɓoxotel o ndam na pexey Yeesu Kiristaa fee jegna o ndam fa katil bo na moos boo moos. Amiini.

Mbeeñil 22:6

Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

Galati 2:7

A nga’a sax ee kaam doxnel Yegil mbaax ne, ndax um waare’in we nqucooxeerna yaam Roog, ta ref we ndefeerna Yaawuur, ne Piyeer fa xoox um a doxniteena o ten yaam we nqucooxna, ta ref Yaawuur we.

2 Korint 5:19

Yaam Roog a reeƭa na Kiristaa, a jofoorand adna fee fop fa xoox um, too ɓaalee tooñ den. Kaa roxond a in, i yegnitik fa lay fee no njofoor ne.

O leetar ole Pool a bindna GIMU WE NGENNA ROM 3:3

Xar na laykeel boog, a soƥangaa yee leng-leng na den kaa ngore’aƭar’u? Ndax ngore’aƭar den neene a waaga o riñ a Roog no gore’aƭar?

O leetar ole Pool a bindna GIMU WE NGENNA ROM 2:18

andaa o bug um, wo fee jangitna no kebil ke, boo waag o jaqit ke faaxna.

O leetar ole Pool a bindna GIMU WE NGENNA ROM 1:2

Yegil mbaax neene, Roog kaa regit’un yaaga kam a Pind a Tedu ke, a reefandin no duleer um.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

Esayi 8:20

«Na cangin ale no Yaal oxe fo no seede ne ten a nomtax a helu.» A layangee neene, nga’kee mbeet ne.

A kim a tedu ke 119:140

O ñuxur of kaa ɗeetlooxel ne ta fodeena fop, too fexaanum, mi fee o tag of.

O leetar ole Pool a bindna GIMU WE NGENNA ROM 3:1

Xar refu a seek ale o Yaawuur oxe a waagna o hupit o tefee Yaawuur? Ndi xar refu o njiriiñ onqe nquc a jegna?