O leetar ole Pool a bindna GIMU WE NGENNA ROM 2:3 - NQAARIIT NE ROOG

³ Wo o mat, wo fee na jambaa we na mbi’aa keene, too fi’aa nen a den, foogaa moos ee xan o daɗ hate fee Roog?

O leetar ole Pool a bindna GIMU WE NGENNA ROM 2:3 Iomraidhean Croise

2 Sami’el 10:3

gelwaar we no Aa-amon we a ngara, a lay a Hanuun fee o yaal den ee: «Kaa o foog ee ndax ta niw a faap of doŋ taxu Dawid a lultiidong wiin da njaapiidong? Mee ndax o ngoroox teeru fee boo a mbaagin o ngef taxu ta luliid kelfa kene paam of!»

Ke bindeena no xe ne’eena YOB 35:2

Foogaa moos ee waagaa o lay ee: «Ɓuraam a Roog»

A kim a tedu ke 50:21

Keene o mat o fi’aa, soo o bug’u koy um maar o don es! Foogaa foog ee nen a wo nandum? Muk! Xam ɓanjong soo feednong a pi of fop.»

A kim a tedu ke 56:7

Kaa ƥeedaxam, a yelaxam, a mbelaa xa caf es, yaam a mbug o njang o ñis es.

Xa peƭit axe 11:21

A woora kañ ee o soxodu xe ñakkaand o xaw, o fog ole no jofu we mat xan a muc teen.

Xa peƭit axe 16:5

O Yaal oxe kaa sib oxuu magnandooxna. Ñakkaand o xaw muk koy.

Heseki’el 17:15

Kaa koy, a siiknoora fo o maad oxe Babilon, ye ta lulna wiin um Misira, ndax ta cooxin pis fo goor mayu. Ndax oxe fi’na keene xan a jeg ne ta bugna, ndax xan a daɗ? A ɗega ngiɓoor ne. Ndax xan a ɓostoox?

Heseki’el 17:18

Niwee a taaƥ ale too a ɗega ngiɓoor ne, yaag oo toox de a jaɓoor’e o ten. A cinj ye ta fesoorna neene, daɗkee teen.

Dañel 10:19

Cinj kaaga, a layaxam ee: ‹O koor oxe Roog a fexna, ba o saɗar! Dara damkirang! Saƭakinooxi, jeg njambaar!› Ne ta layoogna fa mi, doole es a nomtooxiida, too layaam ee: ‹O yaal es, layi, yaam saƭakinaxamo.›

Mace 23:33

Nuun soo ndef fo nqisiil fo wiin sabab! Nam nu mbaagu o ndaɗit a qaw ale na fiɗel laa ñufkeerna?

Mace 26:53

Ndax kaa foogiro yee waagaam o xeɗ a Faap es, too yaaga xan a cooxaam ndak fo ndak malaaka kaa ngupna a yaj xarɓaxay fo a yaj a ƭak, a yaj aluu refna a jeg malaaka cuni ɓetuu fa leng?

YEGIL MBAAX NE YEESU ne Lik a bindtuuna 12:14

Yeesu a doonaan ee: «Koor oxe, an ɓekaxam no tig nuun boo um xaajanaa a nuun halal nuun?»

YEGIL MBAAX NE YEESU ne Lik a bindtuuna 22:58

Yaa ta ɓaatinna, o lakas a ga’aan, a lay ee: «No we ndeefanooguuna fogo.» Maaga, Piyeer a laya yee: «Koor oxe, fogiim na den de.»

YEGIL MBAAX NE YEESU ne Lik a bindtuuna 22:60

Piyeer a doonaan ee: «Koor oxe, andiim ke o layaa.» Ndak-fo ndak, yaa ta maadna o xañaa, a siik a laya.

O leetar ole Pool a bindna GIMU WE NGENNA ROM 1:32

A anda toox de hate fee Roog, ta ref ee we na mbi’aa tig nandu neene, a saŋkax a hela a den, den fop. Refee soom ee kaa da maadin o mbi’aa, ndaa kaa soobaa lakas we, da mbi’an itam.

O leetar ole Pool a bindna GIMU WE NGENNA ROM 2:1

Wo o mat oo daɗkiro, fo xe refoona ref oo, wo fee na jambaa lakas we. Ne o jambtaa lakas we, neene o ŋaaynitaa a ƭat took xoox of, yaam kaa o jambaa lakas we, too fi’aa nen a den.

O leetar ole Pool a bindna GIMU WE NGENNA ROM 2:2

I anda toox de yee Roog a jofa na hate um took no we na mbi’aa nandu neene.

O leetar ole Pool a bindna GIMU WE NGENNA ROM 9:20

Wo o mat, an refo? Wo fee refna o kiin sang um, soo ñimatiraa fa Roog. Ndax nqaw a naaga o laamtaa o maamax um ee: «Xar taxu o maxtaam neeke?»

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.