Nehemi 8:3 - NQAARIIT NE ROOG

³ A jangooga no safe le no kaa xotitna no nqes ne boo na waxtu njeeƈ ndeer xoox, na baayo faa jasnoorna fo Ndokand ne no poofi ke, mbaambir goor fo rew fo fop we andna ke layeena. Fop a nan-gilooxooga a paax a cang ale no safe le no kebil ke.

Nehemi 8:3 Iomraidhean Croise

Nehemi 10:29

Lakas we na xeet fee fop, saasadax we, Leelewi we, yeeyetax we na xa ton-maax axe no Mbind Roog ne, giigim we no Mbind Roog ne, diidimle we no Mbind Roog ne fo fop we nqaajoorna fo qeet can ke, ndax da ndeef kebil ke Roog den, den fo rew den, xa ƥiy den xa koor fo xa tew, fop we mbadna o and a ƭat,

Nehemi 13:1

Na jamaane faaga, safe le Moyiis a jangooge mbaambir xeet fee, too a ga’e teen maa ta bindeena yee Aa-amon we fo Moomowaab we mbaree muk o ndok no mbokatax ne no we na mbaɗooxaa a Roog,

Nehemi 8:1

Maaga, xeet fee fop a mbokatoora, a ndef o leng, kam Yeerusaleem, na baayo faa jasnoorna fo Ndokand ne no poofi ke. A laya a Esdaraas fee o caajangin oxaa andna a paax kebil ke, ta ɓisiid safe le no kebil ke Moyiis o Yaal oxe a dalnan’ina Ii-isra’el we.

Nehemi 8:18

No ñaal oo ñaal, no ke xotitna no ñaal eetaand ne boo no ñaal mbalakaand ne, Esdaraas a jangooga kam safe le no kebil ke Roog. Xew fee a roofande boo ñaal ɓetuu ƭik, soo no ñaal ɓetuu ndadkandeer ne ta wegtel mbokatax, ne ta dalniteena.

Nehemi 8:4

Esdaraas fee o caajangin oxaa andna kebil ke kaa geenoox’u took ndaalaand a teex ne sipan’eena keene. Na ñamaak um a jeg’a a Matitiya, Sema, Anaya, Uriya, Hilkiya fa Maseya, soo na janoon um ta jeg a Pedaya, Misa’el, Malkiya, Hasum, Hasbadana, Sakari fa Mesulam.

Nehemi 8:5

Esdaraas a weta safe le boo fop a nga’an, yaam ne ta fod’ina maa moƴna o goƭ xeet fee fop took, too maaga fop a inooxa.

Mark 12:37

Dawid fa xoox um sax kaa xoyan ‹o Yaal oxe›. Nam a waagu o refit o ndaan um koy?» Wiin mayu a nan-gilooxoogaan fo o ɗaay.

YEGIL MBAAX NE YEESU ne Lik a bindtuuna 19:48

Kaa koy, njeg’ee pexey naa da mbi’tuuna, yaam xeet faa fop kaa ndeeroogun cay, a nan-gilooxan.

YEGIL MBAAX NE YEESU ne Lik a bindtuuna 8:18

«Mbootooxyo boog ne nu nan-gilooraa, yaam oxe jegna xan a ci’el, ndaa oxe jegeerna koy, o ndik onqe ta foogna yee ten a jegu, xan a jaɓel.»

A pi ake 13:15

Pitik, a jega oxaa jangna a maak kam safe le no kebil ke fo no safe le no duleer we boo a ƴut. Cinj kaaga, waa no mbind a qeƭ naa a simta da layel ee: «Fog we, nu njegangaa kaa nu mbaare’na mbokatax ne, layeenoo, ndax ta saƭakin a den.»

A pi ake 13:27

We ngenna Yeerusaleem fo aa-adax den anddee a Yeesu. Andid’ee itam fa lay fee no duleer we da njangoogna na bes a ñootnax aluu refna, ndaa a mbadna fa lay den, ye da ƥoxotna a Yeesu.

A pi ake 15:21

Keene kaa war, yaam kam teeru fuu refna a miña o jeg waa na mbaare’aa kebil ke Moyiis, too kaa njangeel itam na bes a ñootnax aluu refna kam pind a qeƭ ke den.»

A pi ake 16:14

Ndeer rew waaga koy, a jeg’a oxaa ne’eena Lidi, a ref o ciijikax daalde. Na teeru faa Tiyatiir a inoor’u. Kaa saɗar’u a Roog, too a nan-gilooxooga a in. O Yaal oxe a weta yiif um, ndax ta jaɓ ke Pool a layoogna.

A pi ake 17:11

Yaawuur waaga moƴ’u o ngore we Tesalonik, yaam a njaɓa fa lay fee Roog fo o ɗaay. Bes fuu refna kaa ƥaaloogu a Pind a Tedu ke, yaam a mbug o nga ndax ke Pool a layoogna teen ndigil oo.

A pi ake 20:11

Pool a ŋaayatina, a xusit mbuuru naa, a ñaam, soo a ref no layaa boo neen mbeet naa a xoolu. Cinj kaaga a reta.

A pi ake 20:7

No kirand diiboor, i mbokatoor’a ndax i ndeer a cu’ax ale no Yaal oxe. Pool a jeetaayooga fo we maad’uuna fop kaa farna na fa lay fee Roog. Ne ta war’ina o suur no feet olaa koy, a layooga boo o yeng o njeek.

A pi ake 28:23

A ndama bes, too yaa bes faaga a fadna, mayu a soƥiida a Pool me ta dal’ina. No kaa xotitna no nqes naa boo no yaar olaa, Pool a yegnooga a den Maat ne Roog, soo a jeemaa o gimnoor a den no kaa farna na Yeesu, ye ta tektaa a den ke bindeena kam kebil ke Moyiis fo kam a safe ke no duleer we.

A cangatin ale 31:9

Moyiis a binda kebil keene soo a cooxin saasadax we ndefna xa taan Lewi saqoogna arka ne no ngiɓoor ne no Yaal oxe fo maak we Isra’el fop.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

Yosuwe 8:35

No ke Moyiis a heblit’ina fop, yoq’ee teen dara kaa Yosuwe a jangeerna mbaambir mbokatax ne Isra’el fop boo no rew we fo xa teɓandoong axe fo xa kataakoon axe ngenoogna a ndeer den.

Mbeeñil 2:29

Oxuu jegna nof, fat a nan-giloox ke Yiif le a layaa pokatax ke no gimu we.› »

Mbeeñil 3:22

Oxuu jegna nof, fat a nan-giloox ke Yiif le a layaa pokatax ke no gimu we.› »