Nehemi 8:2 - NQAARIIT NE ROOG

² Esdaraas fee o saasadax a ɓisiida kebil ke mbaambir mbokatax ne ndeeƭna goor fo rew fo fop we andna ke da nanoogna. Keene oxe reeƭa no ñaal eetaand ne no nqool o ɓetuu ƭikandeer onqe.

Nehemi 8:2 Iomraidhean Croise

Nehemi 10:29

Lakas we na xeet fee fop, saasadax we, Leelewi we, yeeyetax we na xa ton-maax axe no Mbind Roog ne, giigim we no Mbind Roog ne, diidimle we no Mbind Roog ne fo fop we nqaajoorna fo qeet can ke, ndax da ndeef kebil ke Roog den, den fo rew den, xa ƥiy den xa koor fo xa tew, fop we mbadna o and a ƭat,

Nehemi 13:1

Na jamaane faaga, safe le Moyiis a jangooge mbaambir xeet fee, too a ga’e teen maa ta bindeena yee Aa-amon we fo Moomowaab we mbaree muk o ndok no mbokatax ne no we na mbaɗooxaa a Roog,

Nehemi 8:18

No ñaal oo ñaal, no ke xotitna no ñaal eetaand ne boo no ñaal mbalakaand ne, Esdaraas a jangooga kam safe le no kebil ke Roog. Xew fee a roofande boo ñaal ɓetuu ƭik, soo no ñaal ɓetuu ndadkandeer ne ta wegtel mbokatax, ne ta dalniteena.

Nehemi 8:9

Xeet fee fop kaa looloogu, ye da nanna fa lay fee no kebil ke. Maaga, Nehemi fee gofornoor, Esdaraas fee o saasadax, too a ref itam o caajangin oxaa andna kebil ke fo Leelewi we njangnoogna xeet fee a laya a den fop ee: «Bes fene kaa kesanel o Yaal oxe Roog nuun! Ba nu naqadiloox too ba nu lool!»

Nehemi 9:1

No ñaal qarɓeen ƭik fo ñaal nahkandeer ne no nqool o leng kut onqe, Ii-isra’el we a mbokatoora, a nderoox xa saaku, a yipoox lanq, ndax da ngoor.

Esayi 28:9

Kaa da laamtaa yee: «Ndi an Esayi a aqatinaa o and? An a xooldandaa a cangin ale? A toɓtatin akaa na sogaa mbaas ƭeen a aqatinaa.

A paɗax ale 23:24

ta yegin Ii-isra’el we kene: «No ñaal eetaand ne no nqool o ɓetuu ƭikandeer onqe, fat nu njeg bes faa nu ñootnooxkaa, bes fa mbetandoor faa nu mbugko luuƥaa fo o xet o tedu.

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

A lim ale 29:1

«No ñaal eetaand ne no nqool o ɓetuu ƭikandeer onqe, fat nu njeg o xet o tedu. Nu njalkee teen dara, yaam bes a luuƥ oo.

A pi ake 15:21

Keene kaa war, yaam kam teeru fuu refna a miña o jeg waa na mbaare’aa kebil ke Moyiis, too kaa njangeel itam na bes a ñootnax aluu refna kam pind a qeƭ ke den.»

A cangatin ale 17:18

Yaa o maad oxe a moofkaa no uum-maamaad le, fat a bindanel yiƥadax no safe le no kebil keene saasadax we ndefna ndef Leelewi we a ngeekna.

Yosuwe 8:35

No ke Moyiis a heblit’ina fop, yoq’ee teen dara kaa Yosuwe a jangeerna mbaambir mbokatax ne Isra’el fop boo no rew we fo xa teɓandoong axe fo xa kataakoon axe ngenoogna a ndeer den.