Nehemi 6:1 - NQAARIIT NE ROOG

¹ Sanbalat, Tobiya, Geesem fee o Araab fo fañ in lakas we a yega yee saŋe ne maxatin’uuma jegatee xa ƥaƈit xa leng. Kaa koy, boo na waxtu faaga, wad’afuliim begax ke no tokand ke.

Nehemi 6:1 Iomraidhean Croise

Nehemi 2:19

Ye Sanbalat fee o Hoohoroni fa Tobiya fee o Aa-amon jaloogna no maat ne, fa Geesem fee o Araab, a yeguuna, a ndefa no nqaadnooxaa a in, a nqeef a in soo a layaa yee: «Xar nu mbi’aa? Ndax kaa nu siiknooraa fo o maad oxe?»

Nehemi 2:10

Ye Sanbalat fee o Hoohoroni fa Tobiya fee o Aa-amon jaloogna no maat ne a yeguuna, sawar’ee tus no ke o kiin a garna, ndax ta jal kaa faaxna no Ii-isra’el we.

Nehemi 4:1

Ye Sanbalat, Tobiya, Araab we, Aa-amon we fo Aa-Asdod we a yegna yee a qendand ale no saŋe ke Yeerusaleem a ñaaƴa too xa kef axe we suxeel, a mbuuxa boo a mbuɓaa.

Nehemi 3:3

Wiin we Senaa a maxatina Ndokand ne no liƥ ke. A ndaaƴa teen a qanq ake, a mbad teen begax ke, begir ke fo a kinglir ake.

Nehemi 3:1

Eliyasib fee o saasadax o maak fo fog um saasadax we a inooxa, a maxatin Ndokand ne no paal ke. A tedlandaan soo a mbad teen begax ke. Cinj kaaga, a maxatina saŋe ne boo no Taax-took naa no teemeed ke, a tedlandin, soo a suur boo no Taax-took naa Hananel.

Dañel 9:25

Andi kene boog: Ke xotitna no ke layeena yee xan Yeerusaleem a nomtel ne ta reeƭna, a maxatinel boo na kar ale na Kelfa fee na ɗuumkeel, xa kiid ɓetaa ƭaq boo a caf ɓetuu ƭik a refkaa. Cinj kaaga, teeru fee fo saŋe ke ten xan a maxatineel xa kiid ɓetaa ƭaq boo a caf qarɓeen ɓetuu fa leng fo a caf a ƭak, ndaa a pe a ƭomu a jopirkaa.

Nehemi 3:6

Yoyada fee o ƥiy Paseya fa Mesulam fee o ƥiy Besodiya a nqendanda Ndokand ngiid ne. A ndaaƴa teen a qanq ake, a mbad teen begax ke, begir ke fo a kinglir ake.

Nehemi 7:1

Ye saŋe ne a maxatineena boo um wadin begax ke, we na yetooxaa tokand ke no saŋe ne, giigim we no Mbind Roog ne fo Leelewi we a ndalne no calel den.

Nehemi 13:4

Kaa adooxna kaaga, Eliyasib fee o saasadax gadin’e a topatax ale no fo ndok-o-mbulanq ne no Mbind ne Roog in. Ne ta reeƭna o pog Tobiya ŋaƈit,