Nehemi 4:7 - NQAARIIT NE ROOG

⁷ Maaga, payandaam xeet fee ɗuga fo mbiñ ne laqa saŋe ne, maa naagna halit, reefandin na qaw den, da ƥonoox laƥ, a salma fo a qali.

Nehemi 4:7 Iomraidhean Croise

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

2 Maad we 24:2

Maaga, o Yaal oxe a hebliida a yaj no yaayaq, da njangal a Yoyakim. A ndeeƭa Baababilon fo Aa-araam fo Moomowaab fo Aa-amon. A ngara, a song maat ne Yudaa, ndax da moocandin, ne o Yaal oxe a layit’uuna, a reefandin no duleer we dag um.

2 Caloori ke 20:1

Cinj kaaga, Moomowaab we fo Aa-amon we a mbokatoora fo Meeme’un we ƥaatoox’ina na den, soo da nqire’iid fa Yosafat.

Esdaraas 5:8

Fat o maad oxe a yeg fo and ee i ndeta no jegel olaa Yudaa, no Mbind ne na Roog fa maak fee. Kaa maxatinteel a ƥil a maak soo a teex a ƥekel no tabax ne. Calel keene a mboda too a ñof.

Nehemi 2:10

Ye Sanbalat fee o Hoohoroni fa Tobiya fee o Aa-amon jaloogna no maat ne a yeguuna, sawar’ee tus no ke o kiin a garna, ndax ta jal kaa faaxna no Ii-isra’el we.

Nehemi 2:19

Ye Sanbalat fee o Hoohoroni fa Tobiya fee o Aa-amon jaloogna no maat ne, fa Geesem fee o Araab, a yeguuna, a ndefa no nqaadnooxaa a in, a nqeef a in soo a layaa yee: «Xar nu mbi’aa? Ndax kaa nu siiknooraa fo o maad oxe?»

Nehemi 4:1

Ye Sanbalat, Tobiya, Araab we, Aa-amon we fo Aa-Asdod we a yegna yee a qendand ale no saŋe ke Yeerusaleem a ñaaƴa too xa kef axe we suxeel, a mbuuxa boo a mbuɓaa.

Nehemi 4:6

Yaawuur we ngen’ina paam fañ we a ngara, a maƭoox a in a caf xarɓaxay. Kaa layoogu yee: «Owe songtiidaa a in o saax oo saax!»

Nehemi 4:8

Ye horooxuuma fop, inooxaam, lay maak we, kelfa ke fo fop we maad’uuna yee: «Ba nu saɗar fañ nuun! Mbetandooxyo o Yaal oxe maginna, a saɗarnoox too nu ñoxoran fog nuun, xa ƥiy nuun xa koor fo xa tew, rew nuun fo pind nuun.»

Nehemi 6:16

Ye fañ we in fop a yeguuna, qeet ke mbidna a in a njega caƭar, a ngooy tigi. A nga’a yee maq ne no bug ole Roog in a fadnoorit’u.

Yeremi 25:20

qeet pogreer ke na ñoowaa Misira fop, – maad we no saax le Uus fop, – we no saax le no Fiifilista we fop, ndefna we na teeru fee Askalon, fee Gaasa, fee Ekron fo we yoqna na fee Asdod,

Yeremi 41:10

Cinj kaaga, Isma’el a dama mbaƭ yoqatin we na xeet fee fop ndeeƭna Mispa, boo na xa ƥiy xa tew axe no maad oxe sax, fop daal we Nebusaradan fee adooxanna yeeyetax we no maad oxe a doxin’ina a Gedaliya fee o ƥiy Ahikam. Isma’el a ɓisa a den nen faɗ, a jagin maa no Aa-amon waa.

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Amos 1:8

Xam salax we ngenna Asdod, war o maad oxe deegooxna o samb ole kam Askalon, o ɓay es a dal took Ekron, we yoqna no Fiifilista we a saŋkoox.» O Yaal oxe na refkaa boo faw layun.

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.

A pi ake 5:33

Yaa waa mbog’ina no Mal maak ne a nanna kaaga, a mbuux’a fuux maak, too a mbug’a o mbarnoor apootar waa.

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

1 Sami’el 11:2

Naahas, o Aa-amon oxe a doona a den ee: «Xam dalnin fa nuun, yaa andoona yee kaa nu njaɓ um yul a ngid a ñamaak no xuu refna na nuun. Neene, xam tax Ii-isra’el we fop a niwaƭarel.»