Nehemi 4:5 - NQAARIIT NE ROOG

⁵ Fañ we in o mat kaa layoogu yee: «Yegkee too nga’kee dara boo yaa i naangkaa juux a ndeer den. Xan i mbar a den soo nqaƴnoor calel ke.»

Nehemi 4:5 Iomraidhean Croise

2 Sami’el 17:2

Xam betin, a soƥkaa ta xij boo jegatee o ndoole. Xam firɓandin boo we yoonna fo ten fop a ƈuf, soo um war o maad oxe soom.

Nehemi 4:6

Yaawuur we ngen’ina paam fañ we a ngara, a maƭoox a in a caf xarɓaxay. Kaa layoogu yee: «Owe songtiidaa a in o saax oo saax!»

A kim a tedu ke 109:14

Fat o Yaal oxe a wetandoox tooñ ke no paap ke ten, too bakaad ya um baa fortel muk.

A kim a tedu ke 51:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

A kim a tedu ke 51:9

Fortiti pakaad es a naaq isoop, too xam xool, ɓogaam, too xan kam es a ranig taw nen galam fo jem.

Esayi 2:9

Kaa koy, wiin we fop xan a neewandoox, a yer fo ut ole, too wo o Yaal oxe, ba o inatin a den.

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Yeremi 18:23

Wo o Yaal oxe koy, andaa kukir ke den fop, ndax da mbarnooraam. Ba o waasan a den tooñ den too ba o forit bakaad den mbaambir of. Yaasam da maafel na kid of! Ɓeki a den o ɓay yaa fo fuux of!»

A ƭomatax ake 1:22

Yaasam kañaan den fop a feeñ mbaambir of, soo o fesoor fa den ne fesoortoona fa mi yaam tooñ ke mi fop! Xa iin axe mi a maya lool, too jegaam ɗom no xeeñ es.»

2 Timote 4:14

Aleksaandar o paal o tafax oxe a fi’axam ƭomu, ndaa xan o Yaal oxe a rabdin a pi um.