Nehemi 2:3 - NQAARIIT NE ROOG

³ ndaa layaanum ee: «Yaasam o maad oxe a ñoowaa boo faw! Xar taxu gooykiim, too teeru fee daan es a ngaseena a yaqel soo begax ke ten a ndoxel riw?»

Nehemi 2:3 Iomraidhean Croise

1 Maad we 1:31

Maaga, Batseeba a dalfooxa o gooknoox, a gung a lanq mbaambir o maad oxe, a lay ee: «Yaasam o maad Dawid fee o yaal es a ñoowaa boo faw!»

2 Maad we 25:8

No hiid xarɓaxay fo hiid o ɓetuu nahkandeer ole no maat Nebukadnesaar fee o maad oxe Babilon, no ñaal ɓetuu ƭikandeer ne no nqool o ƥetkandeer onqe, Nebusaradan fee adooxan’ina yeeyetax we no maad oxe Babilon a gara Yeerusaleem.

2 Caloori ke 21:20

Xa kiid qarɓeen tadik fo xa kiid xa ƭaq a jeg’u soo a refkaa o maad, a maadoox xa kiid ɓetaa tadaq kam Yeerusaleem. A xona too o leng looliran. A gase na ƥak ale Dawid, kaa koy refee me maad we a ngeekeena.

2 Caloori ke 28:27

Ahas a daba daan um soo a gasel na teeru fee Yeerusaleem. Kaa koy, geek’aand me no maad we Isra’el. O ƥeem Hiskiya a rondandaan.

2 Caloori ke 32:33

Hiskiya a daba daan um soo a gasel paam a ƭat ale jofna no poy ke na xa taan axe Dawid. A koom, we ngenna Yeerusaleem fo Yuuyudaa lakas we fop a simata o ndam um. O ƥeem Manaase a rondandaan no maat naa.

2 Caloori ke 36:19

A ndaaɓa Mbind Roog ne, a njiƭit saŋe ne Yeerusaleem, a ndaaɓ pind mosu ke soo a yaq tig cegu njiriiñ ke fop.

Nehemi 1:3

A ndoonaxam ee: «We nomtoortiid’ina no mbaƭ naa owaay maaga, no jegel olaa Yudaa, a ndef no ñaat o ɗomu fo na gaci fa maak. Saŋe ne Yeerusaleem kaa jeg xa kur soo begax ke ten a ndoxel riw.»

Nehemi 2:13

No yeng olaaga reefaam no Ndokand naa na yulanq ale, jagin na cur alaa ɓaanoor fo no Ndokand naa no suqi ke. Kaam horooxoogu saŋe ke Yeerusaleem njeg’ina xa kef fo begax ke ten ndox’ina riw.

Esteer 8:6

Ndax xam waag o seede taamaala feene ta dalaa xeet es? Kaam ee waagkiim muk o jasnoor fo a saŋik ale no we fogtuuma xeet.»

A kim a tedu ke 102:14

Xan o naag daket, yirim a Siyoŋ, yaam waxtu fee ta yirimkeel a fadiida. Kaam ee hap fee a fada.

A kim a tedu ke 102:15

In we dag of, i mbexa a ƥil ake Yeerusaleem, yirim kefatin ke ten.

A kim a tedu ke 137:6

Wo Yeerusaleem, um weecangaang, too fi’iroong o ɗaay es ole hupna fop, koo fat ɗelem es a saaƭoor fo o faƭanq es.

A kim a tedu ke 38:7

Mexey lugup, naag yidaq, too naqad um reftaa ñaal oo ñaal.

Yeremi 52:12

No hiid xarɓaxay fo hiid o ɓetuu nahkandeer ole no maat Nebukadnesaar fee o maad oxe Babilon, no ñaal xarɓaxayandeer ne no nqool o ƥetkandeer onqe, Nebusaradan fee adooxan’ina yeeyetax we no maad oxe Babilon, a gara Yeerusaleem.

A ƭomatax ake 2:9

Begax ke ten a yena a lanq. A ɓola a kinglir ake soo a yaq a den. O maad um fo kelfa ke ten owey a ndeer qeet lakas ke. Kebil ndefatee meen, too duleer we ndaawtatee no Yaal oxe mbeeñil leng.

Dañel 2:4

A ndoona o maad oxe no ɗelem araam ee: «Daali maad, yaasam o xuuɗ! Layi a in, in we dag of, ke ɗaaɗoona, too yaaga xan i tektanong o ten.»

Dañel 3:9

A laya o maad Nebukadnesaar ee: «Daali maad, yaasam o xuuɗ!

Dañel 5:10

Ye lingeer fee a nanna xa buuq axe no maad oxe fo wiin maak we ten, a roka na ndok ale na bumbaayteel, a lay ee: «Daali maad, yaasam o xuuɗ! Baa yiif of a jaq boo a tax o foor a kid neeke!

Dañel 6:21

Ye ta matiidaa maaga, a xoya a Dañel fo o ñuxur o yuɗnooxu yee: «Wo Dañel fee o tag Roog fa ñoow jok fee, ndax Roog fee genoona no faɗooxaa a muclaang no cogoy ke, ndi waagiran?»

Dañel 6:6

Maaga, goor weene a laya yee: «I njegee dara kaa i njambna a Dañel, a refangee kaa i nga tig na paɗax Roog ale ten.»

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.