Nehemi 10:1 - NQAARIIT NE ROOG

¹ Yaam fop ke dalna a in, in we ngebooxaa, mbindan soo kelfa ke in, Leelewi we fo saasadax we in a mbegtin a kon den.

Nehemi 10:1 Iomraidhean Croise

2 Maad we 23:3

O maad oxe kaa geenoox’u took ndaalaand ne soo a dalin mbaambir no Yaal oxe ngiɓoor, ndax da ndeef o Yaal oxe, a ngay kebil um fo fa lay um fo ke ta dalinna na qeeñ den fop fo na xa laaw den fop soo a ngay fa lay fee no ngiɓoor neene bindeena no safe lene. Xeet faa fop a yoona no ngiɓoor naaga.

Esdaraas 10:3

Ndiiki koy, fat i ngiɓoor fa Roog in ee xan i ndax rew weeke fop fo xa ƥiy den, ne astanoona a in, wo o yaal es fo we mbootooxna kebil ke Roog in. Fat kebil ke a ngayel.

Esdaraas 2:63

too gofornoor fee a hebla a den ee baa ñaam sadax tedu tigi ke boo yaa o saasadax a laamitkaa a Roog no kaa farna na den na pexey Urim fee fa Tumim fee.

Nehemi 1:1

A betandax Nehemi fee o ƥiy Hakaliya. No hiid qarɓeen ƭikandeer ole no maat Artaserkesees, no nqool Kisleew, a soƥaam na teeru fa njegu saŋe faa Suusaan,

Nehemi 10:2

Weeke ndefu we mbegitna a kon den ke bindeena: Nehemi fee o ƥiy Hakaliya too a ref gofornoor, Sedekiya,

Nehemi 10:30

den fop a mbokatooriida fo fog den we moƴeena o niw a ndeer den. A ndaaɓooxa soo a ndegit ee xan a ndeef a cangin ale Roog a cooxitna na pexey Moyiis fee o tag um, a ngay soo a mbadin kebil ke no Yaal oxe Roog in fop, bargal ke ten fo ke ta dalinna.

Nehemi 7:65

too gofornoor fee a hebla a den ee baa ñaam sadax tedu tigi ke, boo yaa o saasadax a laamitkaa a Roog no kaa farna na den na pexey Urim fee fa Tumim fee.

Nehemi 7:70

Yaal ƥasil ke a ci’ta na kamba le no maq ne xa monjong cuni qarɓeen ƭik wurus fo ngap parig xarɓaxay fo parig ƭik xaaliis fa nqoolu.

Nehemi 8:9

Xeet fee fop kaa looloogu, ye da nanna fa lay fee no kebil ke. Maaga, Nehemi fee gofornoor, Esdaraas fee o saasadax, too a ref itam o caajangin oxaa andna kebil ke fo Leelewi we njangnoogna xeet fee a laya a den fop ee: «Bes fene kaa kesanel o Yaal oxe Roog nuun! Ba nu naqadiloox too ba nu lool!»

A sutax ale 24:4

Moyiis a binda fop ke o Yaal oxe a lay’uuna. No feet olaa, a inooxa ƥiiɓ cuc, a max o sadaxand na caf ale no joong ole, a dendand maaga a ƥil xarɓaxay fo a ƥil a ƭak, luu refna teen a refan a carind na carind xarɓaxay fo a carind a ƭak ake na xeet fee Isra’el.