Nehemi 1:3 - NQAARIIT NE ROOG

³ A ndoonaxam ee: «We nomtoortiid’ina no mbaƭ naa owaay maaga, no jegel olaa Yudaa, a ndef no ñaat o ɗomu fo na gaci fa maak. Saŋe ne Yeerusaleem kaa jeg xa kur soo begax ke ten a ndoxel riw.»

Nehemi 1:3 Iomraidhean Croise

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.

2 Maad we 25:10

Xiixire we no Baababilon we yoon’ina fo o aa-adax oxe no yeeyetax we a maafa saŋe ke mbid’ina a Yeerusaleem.

2 Caloori ke 36:19

A ndaaɓa Mbind Roog ne, a njiƭit saŋe ne Yeerusaleem, a ndaaɓ pind mosu ke soo a yaq tig cegu njiriiñ ke fop.

Esdaraas 2:1

Weeke ndefu goor we no jegel ole Yudaa nomtoortiidna no mbaƭ naa, we Nebukadnesaar fee o maad oxe Babilon a ɓis’ina took o hup doole Babilon, too da nomtooxiid Yeerusaleem fo kam Yudaa, oxuu refna na teeru um.

Esdaraas 5:8

Fat o maad oxe a yeg fo and ee i ndeta no jegel olaa Yudaa, no Mbind ne na Roog fa maak fee. Kaa maxatinteel a ƥil a maak soo a teex a ƥekel no tabax ne. Calel keene a mboda too a ñof.

Nehemi 11:3

Weeke ndefu kelfa ke no jegel ole Yudaa ngenoogna Yeerusaleem. Kam teeru lakas ke Yudaa itam, Ii-isra’el we a ngenooga teen, oxuu refna na teeru um fo na ƭing um. A ndeer den a jeg’a saasadax fo Leelewi fo diidimle no Mbind Roog ne fo xa taan no dag we Salomo.

Nehemi 2:13

No yeng olaaga reefaam no Ndokand naa na yulanq ale, jagin na cur alaa ɓaanoor fo no Ndokand naa no suqi ke. Kaam horooxoogu saŋe ke Yeerusaleem njeg’ina xa kef fo begax ke ten ndox’ina riw.

Nehemi 2:17

Maaga, layaam a den ee: «Nu nga’a naqad fee i ndefitna de! Yeerusaleem a gefe tuƈ, soo begax ke ten a ndoxel riw. Acayo i maxatin saŋe ke ten, too yaaga i niwaƭarkataand.»

Nehemi 2:3

ndaa layaanum ee: «Yaasam o maad oxe a ñoowaa boo faw! Xar taxu gooykiim, too teeru fee daan es a ngaseena a yaqel soo begax ke ten a ndoxel riw?»

Nehemi 7:6

«Weeke ndefu we no jegel ole Yudaa nomtoortiidna no mbaƭ naa, we Nebukadnesaar fee o maad Babilon a ɓis’ina took o hup doole, too da nomtooxiid Yeerusaleem fa Yudaa, oxuu refna na teeru um.

Esteer 1:1

Kene oxe xew’a na jamaane no maad Asuwerus fee maadooxoogna took xa cegel teemeed fo xa cegel qarɓeen ƭik fo xa cegel ɓetaa ƭaq, a xotit no saax laa End boo a damik no laa Kuus.

A kim a tedu ke 79:4

Gentand we in owey mbenaa a in, we mbidna a in a nqaadnooxaa soo a njalaa a in.

Xa peƭit axe 25:28

Teeru fa njegee saŋe faa naagna hundang fo o kiin oxe waageerna harin a xoox um mbodu.

Esayi 43:28

Ten taxu fudnaam kelfa ke no mbiñ o tedu nqe, xeet fee Yakoob, um ɓoxot a den, da ngefel tuƈ, soo xaƴ a Isra’el, fañ we ten a mbenan.»

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 39:8

Kaakalde we a ndaaɓa mbind no maad ne fo pind mosu ke na xeet fee soo a maaf saŋe ke Yeerusaleem.

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Yeremi 5:10

Ŋaayyo saŋe ke ten, yaq a ƭing taxar biiñ ale mi, ndaa ba nu ngefin tuƈ. Mbaridyo xa par axe ten, jegeeruuma, mi o Yaal oxe.

Yeremi 52:14

Xiixire we no Kaakalde we yoon’ina fo o aa-adax oxe no yeeyetax we a maafa saŋe ke mbid’ina a Yeerusaleem fop.

A ƭomatax ake 1:7

No ñaal ke na naqad um fo no ñaat um, Yeerusaleem oxe wetandooxaa o neq ole ten sax’ina. Ye xeet fee ten a yenna na xa ƥay no pañ oxe too jegee o leng oxaa ƴufguuna, fañ we ten a nga’aan soo a njalaa njom ne ten.

A ƭomatax ake 2:9

Begax ke ten a yena a lanq. A ɓola a kinglir ake soo a yaq a den. O maad um fo kelfa ke ten owey a ndeer qeet lakas ke. Kebil ndefatee meen, too duleer we ndaawtatee no Yaal oxe mbeeñil leng.

A ƭomatax ake 3:61

O Yaal oxe, nanaa a ben ake den, and fo ngir ne da ngiɓanaxama fop.

A ƭomatax ake 5:1

O Yaal oxe, wetandooxi ke dalna a in! Ɗeeti too ga ne i ngaci’noorteena!

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.