Mberaand 9:1 - NQAARIIT NE ROOG

¹ Roog a barke’a a Nowe fo xa ƥeem, a lay a den ee: «Ndimikyo, mayƭandik lanq ke.

Mberaand 9:1 Iomraidhean Croise

Mberaand 1:22

Roog a barke’a a den ee: «Ndimikyo, siw too mayƭandik poofi ke na xa maag axe. Fat tiiƭ ke itam a siw took lanq ke.»

Mberaand 1:28

Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

Mberaand 10:32

Keene ndefu a qaw ake na xa ƥiy axe Nowe a reefandel no ne da ndeepatiritna kam qeet ke. Na den qeet ke a mbaqaqooru soo a pictoor took lanq ke.

Mberaand 2:3

Roog a barke’a ñaal ɓetuu ƭikandeer ne, soo a kesin ta ref bes fa tedu, yaam no ñaal neene a ñootnoox’u no calel ke na sak ale.

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 8:17

Suti xa qos muumeen axe ndefna fa wo fop, tiiƭ ke fo muumeen ke fo ƥood ke. Fat da pictoor no lanq ke, a ndimik, a mayƭandik adna fee.»

Mberaand 9:19

Xa ƥiy xa tadaq axeene na Nowe axu qeet ke na adna fee fop.

Mberaand 9:2

Muumeen ke na koƥ ale fop fo tiiƭ ke na asamaan fop fo ke na ɓoodaa a lanq fop fo liƥ ke no maag ole fop xan a ndiidaa a nuun, a saɗar a nuun.

Mberaand 9:7

Nuun o mat, ndimikyo, mayƭandik lanq ke.»

A kim a tedu ke 112:1

Haleluyaa! Ndaw o ɗaay no xe saɗarna o Yaal oxe too a fex kebil um.

Esayi 51:2

Ƭeetyo Abraham fee o taan nuun fa Saara fee axna a nuun. Abraham jeg’ee o ƥiy o leng ye xoyanuuma, ndaa barke’aanum, fi’in o taan na xeet fa maak.»