Mberaand 7:9 - NQAARIIT NE ROOG

⁹ ngoor fo ndew no xos oluu refna a ndoka na kaal ale fa Nowe, ne Roog a heblit’uuna o ten.

Mberaand 7:9 Iomraidhean Croise

Mberaand 2:19

O Yaal oxe Roog a muulit’a muumeen-a-koƥ ke fo tiiƭ ke na asamaan fop no lanq ke. Cinj kaaga, a ɓakandiida a den me no koor oxe, ndax ta and ne o koor oxe a ne’kaa a den. Oxuu refna teen, gon le o koor oxe a ferankan a ne’keel.

Mberaand 6:22

Nowe a fi’ta fop ne Roog a heblit’uuna o ten.

Mberaand 7:10

Cinj ñaal ɓetuu ƭik, poofi ke no jaɓ ole a ngara took lanq ke.

Mberaand 7:15

Kuu na ñoowaa, ngoor fo ndew, a ndoka na kaal ale paam Nowe.

Mberaand 7:16

Ngoor fo ndew no ke saqna njer, a ñoowaa fop, a ndoka na kaal ale, ne Roog a heblit’uuna a Nowe. Cinj kaaga, o Yaal oxe a wega begax ne na kaal ale.

Mberaand 7:8

A ndeer muumeen ke naangaandeena o ndiimbaa fo ke na ndiimbeel, tiiƭ ke fo ƥood ke fop,

Esayi 65:25

A teeteem ale fo o mbaal onqe xan a yoon a suufaa, njogoy ne a ñaamataa boob nen nqoox, soo fangool fee a ñoowtataa fo ut ole. Paaxeer mbaat yaq fa leng fi’kataand took o joong o tedu le mi boo ta xet.» Keene o Yaal oxe a layu.

Yeremi 8:7

A caroox ale na yetaa na asamaan sax a anda a mbane ta molaa, a qoɗoxoñ ale, o helaar-roog ole fo a keel ale a and waxtu fee da mbarna o ngat, ndaa xeet es o mat andee bargal ke no Yaal oxe.»

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.