Mberaand 7:1 - NQAARIIT NE ROOG

¹ O Yaal oxe a laya a Nowe yee: «Roki na kaal ale, wo fo ƥasil of fop yaam ga’aam ee kaa o jof mbaambir es a ndeer suk neeke.

Mberaand 7:1 Iomraidhean Croise

Mberaand 6:18

Kaa koy, xam dalin fa wo ngiɓoor. Fat o rok na kaal ale, wo fo xa ƥeef fo o teef fo rew den.

Mberaand 6:9

Keeke refu a kon ake na xa taan axe Nowe. Nowe kaa reeƭu o kiin o cofu o cegee ŋañel na jamaane um, too a ñaaƴooga fa Roog.

Mberaand 7:13

Ñaal naaga sax sax, Nowe fa Seem, Xaam fa Yafet we xa ƥeem fo o tew oxe Nowe fo rew na xa ƥeem a ndoku na kaal ale,

Mberaand 7:7

Nowe fo o teem fo xa ƥeem fo rew den a ndoka na kaal ale ndax da muc no poofi ke no jaɓ ole.

2 Sami’el 22:24

Kaam ñak sik na kid um, wootooxaa o tooñ.

Xa peƭit axe 10:9

Oxe na fi’aa qoolu kaa ñaaƴaa fo o woor, oxe genna na luq-luq o mat xan a mos o weej.

Xa peƭit axe 14:26

Oxe saɗarna o Yaal oxe a jega ndamlooxand saƭku, xa ƥeem a njeg njaɓnooxand.

Xa peƭit axe 18:10

Gon le no Yaal oxe kaa ref taax-took saƭku koŋ. O cofu xe kaa jaɓnooxaa teen soo a ref no woor.

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Sofoni 2:3

Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

YEGIL MBAAX NE YEESU ne Lik a bindtuuna 17:26

Kaa xew’ina na jamaane Nowe na dakkaa o xew na bes faa no Ƥeenqe no kiin oxe.

A pi ake 2:39

Yaam a tegit ale, nuun njegun, nuun fo xa ƥiy nuun. We o Yaal oxe Roog in a xoykaa fop itam too a ngoƭ, a mboga teen.»

Hebre 11:7

O ngim tax’u Nowe a nanan a Roog soo a daaƴ a kaal ale mucluuna, ten fo ƥasil um, cinj ye ta daawna a maƭax Roog no ke war’ina o xew, too ga’afulaand. O ngim um hate’nooru adna fee soo a tax Roog a ɗeetin nen o cofu.

1 Piyeer 3:20

ndefna we nanaƭar’ina yaaga ye Roog a maad’ina o muñaa, a soƥ Nowe a jalaa a kaal ale. Wiin mayeer waa ndeeƭna ɓetuu daduk soom ndok’ina na kaal ale mucil’e na pexey foofi le.