Mberaand 5:3 - NQAARIIT NE ROOG

³ Ye Aadama a jegna xa kiid teemeed fo xa kiid qarɓeen tadik a rima o ƥiy, ta nand fo ten, a ref nitaal um, soo ta ne’in Set.

Mberaand 5:3 Iomraidhean Croise

Mberaand 4:25

Aadama a dakooxa o yoon fo o teem, o tew oxe a rok o fud, a ñoot o ƥiy o ngoor, soo a ne’in Set, a lay ee: «Yaam Roog a ci’axam o ƥiy o lakas ta rondand a Abel fee Kayin a warna.»

Mberaand 5:2

Roog a saka o koor, a sak o tew, a barke a den, a ne a den o kiin ye da sakeena.

Mberaand 5:4

Cinj o rimel ole Set, Aadama a ñoowa xa kiid teemeed ɓetuu tadik, a jeg’a itam xa ƥiy xa koor fo xa ƥiy xa tew.

Ke bindeena no xe ne’eena YOB 14:4

Kaa xoolna waagee o suttel muk no kaa xoolaƭaritna nen o kiin!

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

A kim a tedu ke 51:5

Anddilooxaam tooñ es, too bakaad es oxey cay mbaambir es.

YEGIL MBAAX NE YEESU ne Lik a bindtuuna 1:35

Malaaka fee a doonaan ee: «Xan Yiif Tedu le a fudoox took of, too xan katil fee no xe Took-ee-took a muurong fo yook um. Ten taxu, o ƥiy o tedu nqe o ñootkaa xan a xoyeel o Ƥeenqe Roog.

YEGIL MBAAX NE YEESU ne Lik a bindtuuna 3:36

Selas a ref o ƥiy Kaynam, Kaynam a ref o ƥiy Arpaksad, Arpaksad a ref o ƥiy Seem, Seem a ref o ƥiy Nowe, Nowe a ref o ƥiy Lemek,

YEGIL MBAAX NE YEESU ne Saŋ a bindtuuna 3:6

Kuu cer a ndimna no cer a fogu, too kuu hatna no Yiif le Roog, no ten a fogu.

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

1 Korint 15:39

Refee yee ke sakeena fop, cer leng kut ke a saxu. Wiin we fo ƭool den, muumeen ke fo ƭool den, tiiƭ ke fo ƭool den, liƥ ke fo ƭool den.

1 Korint 15:49

Ne i ndefitna nitaal no xe lanq, neene i ndefitkaa nitaal no xe na asamaan.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.