Mberaand 44:1 - NQAARIIT NE ROOG

¹ Yoseef a hebla a jawdiin fee no mbind um ee: «Soɗi xa saaku xe no wiin weene ñoowir boo podnaa da mbaagna o yip, soo o fi xaaliis fee no xuu refna no don ole no saaku um.

Mberaand 44:1 Iomraidhean Croise

Mberaand 24:2

Abraham a laya o tag oxe ten moƴ’ina o miñ no mbind um, too a topatooxaa o jeg ole ten ee: «Dooni o ɓay of ɗuga a ñaal es,

Mberaand 42:25

Yoseef a hebla yee xa saaku xe den a soɗel bele boo a may, xaaliis fee no xuu refna a nomtel no saaku um, soo da cooxel kaa da yaxandooxanna a ƭat ale. Kaaga a fi’e.

Mberaand 42:35

Ye da yiƥadooxna xa saaku xe den, oxuu refna a ga’a xaaliis um no saaku le. A nga’aan, den fa faap den, soo a ndiid.

Mberaand 43:16

Ye Yoseef a ga’na a Bensame a yooniid fa den, a dalfooxa o lay a jawdiin fee ten ee: «Ɓisi wiin weeke no mbind es. Fat o war njegel, jawin, yaam wiin wene fa mi a mbogkaa o roon xaye.»

Mberaand 43:19

A matiida a jawdiin fee no mbind Yoseef, a laytin na carind ale no mbind ne yee:

Mberaand 43:2

Yaa da paangna bele fee da ƥistiid’ina Misira, Yakoob a laya xa ƥeem ee: «Nomtooxyo ƥaat o njikik kaa i ñoowitna.»

Mberaand 44:2

Fat o ɓek itam a tokol ale mi refna xaaliis fa ƥor no don ole no saaku le no xe moƴna o ref o ndeɓ fa xaaliis fee ta jiktiidna bele.» Jawdiin fee a fi’a ke Yoseef a hebil’uuna.

Esayi 3:1

Nga’yo, o Yaal oxe na refkaa boo faw Hupna fop xan a suqit na Yeerusaleem fa Yudaa o ndimle fo ndamlooxand nuu ta waagna o ref. Xan a jaɓ ñaamel den fo foofi den fop