Mberaand 4:2 - NQAARIIT NE ROOG

² A dakooxa o rok o fud, soo a ñoot a Abel fee o ndeɓ Kayin. Abel a refa o kaynaak cegel, Kayin a ref o qooxoox.

Mberaand 4:2 Iomraidhean Croise

Mberaand 3:23

O Yaal oxe Roog a raxta a den na ƭing alaa Edeen, ndax da nqooxik lanq ke da ngatna.

Mberaand 37:13

Bes, Isra’el a laya a Yoseef ee: «Mee ndax fog faap we wo Sikeem a molku! Gari, bo um lulong maa den!» A doonaan ee: «Iyo!»

Mberaand 4:1

Aadama a yoona fa Awa fee o teem, ta rok o fud, a ñoot a Kayin, soo a lay ee: «Sakaam o kiin no ndimle no Yaal oxe.»

Mberaand 4:3

Cinj a saxad ale, Kayin a ɓoxotiida o Yaal oxe sadax no ke xooxe um a watna.

Mberaand 47:3

Firawon fee a laamta fog faap we Yoseef ee: «Xar refu calel nuun?» A ndoonaan ee: «In we dag of, gaynaak a ked i ndefu nen daan in.»

Mberaand 9:20

Nowe a refa no xooxaa lanq ke, soo a jimb a ƭing taxar biiñ.

A kim a tedu ke 127:3

Xa ƥiy kaa ndef ci’it no Yaal oxe, o rim ole hatna no laaw ke a ref barke fa ngatu no ten.

A sutax ale 3:1

Moyiis kaa gayoogu o siir ole Yetro fee o seemir um reeƭna o saasadax kam Majan. Bes, a ɓisa ged le a cinj a koƥ-a-ƥor alaa too a fadiida no joong olaa Roog ne’’eena Horeb.

Amos 7:15

O Yaal oxe a andaan, too yaqanee ta xottaam na las ake no paal ke, a layaam ee: ‹Inooxi ret yegnitik fa lay es ndeer Ii-isra’el we xeet es.›

YEGIL MBAAX NE YEESU ne Lik a bindtuuna 11:50

Neene, fo’oy laa no duleer waa mbar’eena no mberaandoong adna xan a yen took wiin we ndiiki,

YEGIL MBAAX NE YEESU ne Lik a bindtuuna 11:51

no kaa xotitna na Abel boo no fo’oy laa Sakari fee warit’eena a ndeer Mbind Roog naa fo o sadaxand olaa. Iyo, mexe layaa a nuun ee: Xan a laacel wiin we ndiiki.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

1Saŋ 3:15

Oxuu na sibaa o pog um, o baawar oo, too nu anda yee o baawar o leng jegee o ñoow o fagkeer ole kam um.