Mberaand 39:3 - NQAARIIT NE ROOG

³ O yaal mbind um a ga’a yee o Yaal oxe xey fa Yoseef, boo no kuu oxeene a ɓek’ina o ɓay um rek, o Yaal oxe a barke’in.

Mberaand 39:3 Iomraidhean Croise

Mberaand 21:20

Roog a reeƭa fo o goor ole, ta maak, a refat o kiin o baane’u kam a koƥ-a-ƥor ale, a ref itam o qaaxaƴ a qali.

Mberaand 21:22

Na jamaane faaga, Abimelek a yoona fa Pikol fee o aa-adax no xiixire we ten, soo a lay a Abraham ee: «Roog oxey fa wo no fop ke o fi’aa.

Mberaand 21:23

Ndiiki koy, daaɓooxi meeke no gon Roog ee naxkiraamo, naxkiro xa ƥees mbaat xa taan es, too xan o paaxel of a ref no saax leeke refiidoona o gataakoon, ne o paaxel ole mi a refitna fa wo.»

Mberaand 26:24

No yeng olaaga, o Yaal oxe a feeñooxaan, a layin ee: «Mi refu Roog fee na faap of Abraham. Xam barke’ong soo mayƭand xa taan of yaam o tag es Abraham.»

Mberaand 26:28

A ndoonaan ee: «I nga’a yee o Yaal oxe xey fa wo. Ten taxu i lay ee fat ngiɓoor a ref a ndeer in fa wo.

Mberaand 30:27

Laban a layaan ee: «A soƥangaa yee daawaam yirmande of, yoqi mene. Kaam layel no mbeeñil ee wo taxu o Yaal oxe a barke’aam.»

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Mberaand 39:2

O Yaal oxe a reeƭa fa Yoseef boo no kuu ta rok’ina rek a suur teen. Yoseef no mbind no yaal mbind um oxe jik’uuna a genoogu.

Mberaand 39:21

Naaga boog, Yoseef a reeƭa kam kaso faa. O Yaal oxe a reeƭa fa Yoseef, a lalin o paaxel um. A ci’aan ta daaw yirmande no aa-adax oxe no yeeyetax we na kaso fee.

Mberaand 39:23

O aa-adax oxe na kaso fee waaƭoogatee kaa Yoseef a fi’na fo kaa ta fi’eerna, yaam o Yaal oxe kaa reeƭu fo ten. O Yaal oxe kaa faaxnoogu fop ke Yoseef a fi’oogna.

2 Maad we 18:7

O Yaal oxe a reeƭa fa Hiskiya, too fop um a ñaaƴooga. A siiknoor’a fo o maad oxe Asuur, a fañat o ɓoxotoox no ten.

1 Caloori ke 22:13

Maaga, xan fop of a ñaaƴ, yaa gayoona too reef bargal ke fo kebil ke o Yaal oxe a cooxna a Moyiis ndax ta daawnin a Isra’el. Saƭakinooxi boog too saq njambaar, ba o saɗar dara too ba o diid.

1 Caloori ke 9:20

Finees fee o ƥiy Eleyasaar eet’u o ref o aa-adax den yaam o Yaal oxe a reeƭa fo ten.

2 Caloori ke 1:1

Salomo fee o ƥiy Dawid a saƭkanda maat um, too o Yaal oxe Roog um a reeƭa fo ten, a fi’in o maad o maak.

2 Caloori ke 26:5

Ye Sakari a ñoowaa, a aqatinooga a Usiya ta saɗar a Roog. A waaƭooga o Yaal oxe Roog ci’ooguuna ne ta bugna ye ta gore’na no ten.

Nehemi 2:20

Doonaam a den ee: «Xan Roog fee na asamaan a fi boo fop in a ñaaƴ. In we dag um, xan i inoox, max, ndaa nuun o mat, nu njegee a las mbaat wargal kam Yeerusaleem, too o leng wetandooxkee a nuun teen.»

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

Sakari 8:23

No ñaal kaaga, wiin xarɓaxay waa mbogeerna lak xan a saaƭoox no noflax ndoki no Yaawuur oxuu refna, a layan ee: ‹Kaa i mbug o yoon fa nuun, yaam i nana yee Roog oxey fa nuun.› Mi o Yaal oxe Hupna fop layun.»

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

1 Korint 16:2

Na bes diiboor fuu refna, fat o kiin oo kiin na nuun a geek podu naa doole um a daawna. Nu mbi’tangaa neene, ta moƴ o faax, yaam waaj yaaga moƴu nu cung boo um gar, soo o ndimle nqe a sog o ƴufaneel.

A cangatin ale 2:7

O Yaal oxe Roog nuun a barke’a a nuun no kuu nu mbi’na, a topatoox a nuun, ye nu nqaañiidaa a koƥ-a-ƥor a maak alene. Xa kiid qarɓeen nahik axey axaa ta refna fa nuun, too nu ñakee tus.›

Yosuwe 1:9

Ba o weec ee mi layong ee saƭakinooxi too saq njambaar. Ba o saɗar boog too ba o diid, yaam mi o Yaal oxe Roog of mexey fa wo muu o retaa.»

Mbeeñil 3:9

Keeke refu ke um fi’kaa we mbogna no mbind a qeƭ ne Saytaane. Xam cooxong maamaaɓ weene na layooxaa Yaawuur, too ndefiran. Xam ser a den da ngar me wo, a ngooknoox na caf of, too a ƥoxotong tedaanga. Neene, xan da and ee fexaaxoong.

1 Sami’el 18:14

A xawooga kam a ñoq ake ten fop, yaam o Yaal oxe kaa reeƭu fo ten.

1 Sami’el 18:28

Sawul a and’a a paax ee o Yaal oxe xey fa Dawid, too Ii-isra’el we fop a mbug’aan.

1 Sami’el 3:19

Sami’el a maakooga. O Yaal oxe a reeƭa fo ten, too xaƴoogee o ɗelem o leng a fe a koƥ na xa ɗelem axe Sami’el a layoogna fop.