Mberaand 34:3 - NQAARIIT NE ROOG

³ A damooxa na Dinaa fee o ƥiy o ndew onqe Yakoob, a saq no ten mbug ƭomu. A dalfooxa o waaƭaa fo xa ƭelem xa pelu maa ta jegitna o njaaƈ onqe.

Mberaand 34:3 Iomraidhean Croise

Mberaand 34:2

Sikeem fee o ƥiy Hamoor o Hiihiwi xe maadooxanoogna saax laa a ga’aan, a gifin, soo a yoon fo ten took o gignin.

Mberaand 34:4

A laya a Hamoor fee faap um ee: «Ñaaƴanaam o toog oxene o tew!»

Mberaand 50:21

Yaaga koy, ba nu saɗar dara. Xam jofnoox no fop ke nu soxla’na, nuun fo xa ƥiy nuun.» A yaalta a den fa lay feene boo xa laaw den a ndalat.

2 Sami’el 19:7

Kaa o bug we mbañoonga soo fañ we mbugoonga, yaam xaye laltaa yee aa-adax we no xiixire we wo fo we na ndagooxang a paax ndefee tus na wo. Andaam ee Absalom a ñoow’angaa, soo i nqon in fop xaye, ga’itkoogaano naa faaxna.

2 Caloori ke 30:22

Hiskiya a saƭakina Leelewi we fop nqaƴ’ina a yiif den no Yaal oxe. A ñaamooga cegel ke boo ñaal ɓetuu ƭik, a ƥoxotaa sadax camsa’oor soo a simataa o Yaal oxe Roog fee no daan den.

Esayi 40:2

Ƥutandyo kam Yeerusaleem, yegneenoo yee coono um a naaga tak, ta waasanel tooñ um, yaam a daawta no ɓay no Yaal oxe ndabid pakaad um boo a caf a ƭak.»

Hoose 2:14

Xam fiitin a ƭing taxar biiñ ake ten fo tun ke ten, ta layoogna yee: ‹Ndabid ne xa pes axe mi a cooxaxama yoo.› Xam supit a den suungaan, soo muumeen-a-koƥ ke a nduudin a den.

Hoose 2:16

Ten taxu xam naxin, ɓisin na koƥ-a-ƥor alaa soo lay fo ten na yelem.

Haahate we 19:3

O kor um a inooxa, a soƥkin, ndax ta lay fo ten no njek boo a gattin. A yoon’a fo o tag um, a ɓisloox xa paam xa ƭaq. O tew oxe a roknaan no mbind faap um, too ye faap um a ga’uuna a dalnaan fo o ɗaay.

Ruut 1:14

A ndakooxa o mbaɗoox. Cinj kaaga, Orpa a farakooxa o seemir um soo a asoor fo ten, ndaa Ruut o mat a saaƭooxaan.

1 Sami’el 18:1

Ndak fo ndak, ye Dawid a layna fa Sawul boo a ƴut, Yoonatan fee o ƥiy Sawul a damooxa na Dawid, a fextin nen a xoox um.