Mberaand 32:4 - NQAARIIT NE ROOG

⁴ Yakoob a hebla duleer da adookin maa Esawu fee o maag um, a soƥ ta genaa na koƥ alaa Edoom no saax laa Seyiir.

Mberaand 32:4 Iomraidhean Croise

Mberaand 23:6

«Yaal mbind, nan-gilooxi a in! Kaa o ref o kelwaar Roog a ndeer in. Gasi o qon oxe wo kam a mboy aluu feloonga, ale o jilankaa a xoox of. O leng na in xañkirang a mboy um, maa gasoona o qon oxe wo.»

Mberaand 25:30

Esawu a laya a Yakoob ee: «Kaam xeɗang o ci’aam no cosoñ o mbomu nqe wo um ñaam, yaam kaam xij lool.» Ten taxu Esawu a lastiteel Edoom.

Mberaand 27:29

Yaasam qeet a ƥoxotoox na wo, a saax ake a ngungaa mbaambir of! Yaasam o ref o yaal no fog of, we fogtoona yaay a ngungaa mbaambir of. Yaasam oxuu salooxoonga a salooxel, soo oxuu xeɗanoonga barke a barke’el!»

Mberaand 27:37

Isaak a doona a Esawu yee: «Ga’angi, dalnaanum o yaal of boo ƴut, xeɗanin fog um a ndefik dag um, xeɗanin bele fa biiñ fa mayu. Xar waagatoong o xeɗan boog?»

Mberaand 31:41

Keene um reftin boo xa kiid qarɓeen ƭik no mbind of. Jalanaaxoong xa kiid xarɓaxay fo xa kiid xa nahaq yaam xa ƥiy xa tew axe wo, jalanong xa kiid ɓetaa fo leng, ndax um daaw a las es no cegel ke, too ndabid es, suptaano boo a caf xarɓaxay.

Mberaand 32:18

A hebla o eetaand oxe yee: «Yaa Esawu fee o maag es a xetkaa fa wo, soo a laamtong ee: ‹An refu o yaal mbind of?›, ‹Mam o jofaa?›, ‹An jegu o siir ole adnoona?›,

Mberaand 32:5

A hebla a den ee: «Fat nu layanaam o yaal es Esawu yee: O tag of Yakoob kaa tee: Ret’aam no mbind Laban, moof maaga boo fa ndiik.

Mberaand 33:14

Fat o yaal es a adooxaam, ndax um reefan o siir ole, ñaaƴaa o ndang, yoon fo xa caaƈ axe boo yaa um fadiidkaa me no yaal es kam Seyiir.»

Mberaand 33:8

Esawu a laamtaan ee: «Xar jagandano xa siir axene fop xettuuma?» Yakoob a doonaan ee: «Ndax um daaw yirmande no yaal es.»

Mberaand 36:8

Neene, Esawu fee xoyoogahineena Edoom a genka na xa coong axaa Seyiir.

Mberaand 36:9

Keeke ndefu a kon ake na xa taan Esawu fee o taan no Ee-edoom we, ngenoogna no joong olaa Seyiir:

Mberaand 4:7

O fosooxangaa paax, a tagid of a let, ndaa o fosooxangaa paaxeer koy, bakaad fee xey no don-maax of a ɓeedang, kaa rek, ba o ci’in o gom!»

1 Maad we 20:32

A nderooxa xa saaku, a ngumoox xa ƥaak na xa cok soo a soƥiid o maad oxe Isra’el, a layin ee: «O tag of Ben-Hadad kaa tee o wuusin.» Ahab a doona a den ee: «A maada ñoowaa? O pog es a refu!»

A sutax ale 32:22

Aaroon a doonaan ee: «O yaal es, o koo, ba fuuxat! Wo sax andoodaa yee xeet feeke gaaf faaxeer a saqu.

Xa peƭit axe 15:1

O doonanqol o ɓuuɓu kaa ɓoosdandaa fuux, fa lay fa ñexetu mat a umban.

Xa peƭit axe 25:15

Na pexey o muñ waagaa o ɗooqloox o kelwaar, too fa lay fa ƥuuɓu a waaga ɓol cer.

Xa peƭit axe 6:3

boo o yen na xa ƥay no taarawnit oxe, o ƥees, fi’i kene boog ndax o mucil a xoox of: Reti no ñofu, ga’ir fo ten, xeɗooxin,

O baawaare xe 10:4

Boo o maad oxe a fuuxanoonga, fodi o mbid, yaam o teylax a waaga tax ta waasanong sax o njuumte maak.

Esayi 21:11

Ke layeena na Edoom fee naagna yereŋ: Falaloorteem Seyiir ee: «O yeeyetax oxe, mam o yeng ole a tolooxu? Kaam ee mam o yeng ole a tolooxu?»

YEGIL MBAAX NE YEESU ne Lik a bindtuuna 14:11

Yaam oxuu magnandooxna xan a neewandel, too oxuu neewandooxna xan a yoɗel.»

1 Piyeer 3:6

nen a Saara fee nanan’ina a Abraham, too a xoyoogun o yaal um. Na Saara, nu ndefata xa taan um, yaa nu mbi’aa paax fo yaa nu nqaƴeerna diid leng a jom’and a nuun.

Haahate we 5:4

O Yaal oxe, ye sutooriidoona Seyiir, ye inooriidoona na koƥ alaa Edoom, lanq ke a yo’nooxa, asamaan fee a yuuraa, a eel ake a ndeɓiid foofi.

1 Sami’el 26:17

Sawul a andda o ñuxur ole Dawid soo a laamtin ee: «O ƥees Dawid, no ndigil ndax o ñuxur of um nanaa?» Dawid a doonaan ee: «Daali maad, mi o mat oo de.»