Mberaand 32:12 - NQAARIIT NE ROOG

¹² Kaam xeɗang o muclaam no ɓay no maag es Esawu. Kaam saɗaraa ndik ta gar a waraam, mi fo rew we mi fo xa ƥiy axe mi.

Mberaand 32:12 Iomraidhean Croise

Mberaand 22:17

xam barke’ong, mayƭand xa taan of, da mayit nen xa qoor axe na asamaan fo nen pep lanq na ƥeeraamb o maag. Xa taan of na mbugko maadooxa took fañ den.

Mberaand 32:6

Jegaam qoox, xa paam, a ked, dag fo jeefeer. Ten taxu um lultiid o layanel o ten o yaal es ndax um daaw yirmande of.»

1 Maad we 4:20

Wiin we Yudaa fo we Isra’el kaa mayit’u nen pep lanq na ƥeeraamb o maag. Kaa ñaamoogu, a yeraa, a mbelakinooxaa.

A sutax ale 32:13

Wetandooxi a Abraham fa Isaak fa Isra’el, dag we wo daaɓooxoona wo fa xoox of ee: ‹Xam saqtin xa taan nuun, da mayit nen xa qoor axe na asamaan, coox a den saax le regtuuma, da njegkin boo faw.› »

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Mace 24:35

Xan asamaan fo lanq a mbaaf, ndaa fa lay es faafkee boo muk.»

2 Timote 2:13

I ngayangee ngor in, xan a gayan, yaam waagee o xañ a xoox um.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Hebre 11:12

Neene o mat xa taan xa maytu nen xa qoor axe na asamaan fo nen pep lanq na ƥeeraamb o maag a ndimte na pexey o koor o leng kut, oxaa mat’atna fa nqon bo.

Hebre 6:17

Roog kaa bug o lalit a qool qac ee supitkee muk ke ta hebooxna boo a ƴut, a fi’anin we mbar’ina o ndaaw paax ke ndegteena. Ten taxu ta ɓaat a taaƥ na tegit ale.

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»