Mberaand 3:1 - NQAARIIT NE ROOG

¹ No muumeen ke o Yaal oxe Roog a sak’ina fop, da ndef na koƥ ale, fangool fee moƴ’u o ƴiƴ teen. A laamta o tew oxe yee: «Ndax no ndigil Roog kaa lay ee nu moɗkee xa tim axe no taxar ke na ƭing ale fop?»

Mberaand 3:1 Iomraidhean Croise

O baawaare xe 4:10

A yenangaa, o leng oxe xan a in o yoon um, ndaa o njakad oo no xe refna ten doŋ soo a yen. Jegee oxaa inuuna.

Esayi 27:1

A koom, xan o Yaal oxe a xot laƥ maak mbeelu njegu doole ne ten, a xaw a Lewiyatan, mbangool ne na ƴufaa too a xuyaa, a war a Niŋki-naŋka feene kam o maag ole.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

Mace 4:3

O poofog oxe a matiidaan, too a layin ee: «O refangaa o Ƥeenqe Roog, supti a kac akeeke da ndef puuru.»

Mace 4:6

soo a layin ee: «O refangaa o Ƥeenqe Roog, foolti mene, yaam a binde yee: ‹Xan a heblanong malaaka ke ten, too xan a meeɓong, yaam ndik o kamas ɓil.› »

Mace 4:9

soo a layin ee: «O gooknooxangaa mbaambir es too faɗooxaam, xam ci’ong keene fop.»

2 Korint 11:14

Kaa koy, o njaaxɗataan jegee teen, yaam Saytaane fa xoox um sax kaa fi’ooxaa malaaka fa mbogu na qoolaand.

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

1 Piyeer 3:7

Nuun gor we itam, yaa oxuu refna na nuun a ñoowaa fo o teem, fat a and ee mbindeef naa moƴuuna o neew doole a refu. Niwyo a den nen waa mbarna o lam fa nuun yirmande fee no ñoow ole, ndax dara waagkee o yaq a qeƭ nuun.

Mbeeñil 12:15

Maaga, Mbangool a xuqta foofi no don um, ta fi nen a paas a cinj o tew oxe, ndax a yaand ake a ƥisin.

Mbeeñil 12:9

Maaga, Niŋki-naŋka maak ne a foor’e tafil. Ten refu Mbangool ne yaaga na xoyeel o ƈiƴ oxe mbaat Saytaane. Ten oxe na naxaa adna fa muum a jooriide a lanq, ten fo malaaka ke ten.

Mbeeñil 20:2

A songa a Niŋki-naŋka, Mbangool ne yaaga refna o ƈiƴ oxe mbaat Saytaane, soo a humin boo xa kiid juni.