Mberaand 27:4 - NQAARIIT NE ROOG

⁴ Fat o jawanaam o ten njaw mbelu ne bugtanuuma, soo ɓisiidaam o ten, um ñaamin, ndax um barke’ong bo um helko fo xonaa.»

Mberaand 27:4 Iomraidhean Croise

Mberaand 14:19

A barke’a a Abram ee: «Yaasam Roog fee Took-ee-took sakna asamaan fo lanq a barke a Abram!

Mberaand 24:60

A salana a Rebeka yee: «O cigeen in, yaasam o ref ya no cuni-cuni, xa taan of a ngarit fañ den took.»

Mberaand 27:14

Yakoob a reta, a ɓisiid a den a ya um, soo ta jawan a Isaak njaw mbelu ne ta bugna.

Mberaand 27:17

A cooxa a Yakoob fee o ƥeem njaw ne fo puuru ke ta juɗ’ina.

Mberaand 27:19

Yakoob a doona a faap um ee: «Mi yoo, Esawu fee taaw of! Fi’aam ke lay’axamoona. Inooxi, ñaam, ndax o barke’aam!»

Mberaand 27:23

Andid’iran yaam xa ƥay axe Yakoob kaa njeg’u wiil nen xa ƥay axe Esawu, soo ta barke’in.

Mberaand 27:25

Isaak a layaan ee: «Cooxaam um ñaam no nqawlax ne wo, ndax um barke’ong.» Yakoob a cooxaan ta ñaam, a ɓisiidin biiñ ta yer.

Mberaand 27:27

Yakoob a matiidaan, a farakooxin. Isaak a duñnooxa tikoorik ke Esawu ta rokoox’ina. Cinj kaaga, a barke’aan ee: «Tuñ ke no ƥees kaa nand nen tuñ o qol o naatu laa o Yaal oxe a barke’na.

Mberaand 27:31

Ten itam a jawa, a ɓisiid a faap um, a layin ee: «Baa! Inooxi, ñaam mbuufuɗag ne waraniidoonga, mi fee o ƥeef, ndax o barke’aam.»

Mberaand 27:5

Rebeka a nana ke Isaak a layoogna a Esawu fee o ƥeem. Cinj kaaga, Esawu a reta na koƥ alaa, a xawlook mbuufuɗag ndax ta ɓisiidin.

Mberaand 27:7

‹Ɓisiidaam mbuufuɗag, jawanaam o ten, um ñaamin. Xam barke’ong mbaambir no Yaal oxe bo um helko fo xonaa.›

Mberaand 27:9

Reti no ged laa, o xotiid pambe tew ƭik kiñu. Xam jawanin a faap of boo ne ta bugtuuna.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 48:9

Yoseef a doonaan ee: «Xa ƥees axe Roog a ci’axama meeke yoo.» Isra’el a layaan ee: «Matandiidaam a den ngela, boo um barke a den.»

Mberaand 49:28

Weene ndefu a carind xarɓaxay fo a carind a ƭak ake mbokatoorna, a ndef xeet fee Isra’el, too keene refu ke faap den a layna a den ye ta barke’aa a den. A barke’a a den oxuu refna no xos barke um.

YEGIL MBAAX NE YEESU ne Lik a bindtuuna 2:34

Simewon a barke’a a den, too a laya a Mari fee ya Yeesu yee: «O ƥiy onqene kaa maafiid too a yoɗiid wiin mayu na Isra’el. Xan a ref o anddiloor olaa na ɓisiidkaa njuumoor.

YEGIL MBAAX NE YEESU ne Lik a bindtuuna 24:51

Yaa ta barke’aa a den, a riƈatooxa a den, Roog a yoɗin na asamaan.

Hebre 11:20

O ngim tax’u Isaak a coox a Yakoob fa Esawu barke fee heloorna fo ke refna mbaambir den.

Yosuwe 14:13

Yosuwe a dalfooxa o barke a Kaleb fee o ƥiy Yefune soo a cooxin a Hebron.

Yosuwe 22:6

Cinj kaaga, Yosuwe a barke’a a den soo a xaƴ a den da nqaad.