Mberaand 26:12 - NQAARIIT NE ROOG

¹² No hiid olaaga, Isaak a duufa no saax laaga, soo a saxad boo tap um a may, yaam o Yaal oxe kaa barke’un.

Mberaand 26:12 Iomraidhean Croise

Mberaand 24:1

Abraham a nogoy’ata lool, too o Yaal oxe a barke’aan no kuu refna.

Mberaand 24:35

O Yaal oxe a barke’a o yaal mbind es, too o kiin o maak oo ndiiki. O Yaal oxe a ci’aan a ked fo xa siir, xaaliis fa wurus, dag fo jeefeer, keeleemb fo xa paam.

Mberaand 25:11

A cinj fa nqon fee Abraham, Roog a barke’a a Isaak fee o ƥeem gen’atna paam a ngas alaa Laxay-Ro’i.

Mberaand 26:29

Daaɓooxi yee fi’kiro a in paaxeer leng ne i toroxandteeroonga, a refangee o mbi’anong paax rek, soo nqaƴong o ret na jam. Ndiiki koy, o Yaal oxe a barke’aang.»

Mberaand 26:3

Moofi no saax lene. Xam ref fa wo, too xam barke’ong, yaam cooxe kene fop, xam cooxong o ten, wo fo xa taan of, too xam gay a taaƥ ale fi’uuma fa Abraham fee faap of.

Mberaand 30:30

O ndik onqe jeg’oona eetaand, ga’aa ne ta ɓaatoorna, too o Yaal oxe a barke’aang no kaa xotitna no ñaal naa rokiiduuma no mbind of. Ndiiki koy, a mban um jalankaa ƥasil es?»

Ke bindeena no xe ne’eena YOB 42:12

O Yaal oxe a barke’a ke yoqna no ñoow ole Yob kupu ne ta fi’it’uuna eetaand. Neene, Yob a jeg’ata cegel cuni xarɓaxay fo cuni nahik na ked ake ten fo na xa siir naak axe ten, keeleemb ke a ndef cuni ɓetuu fa leng, qoox ke a ndef cuni ƭik, soo xa paam xa tew axe a ndef juni.

A kim a tedu ke 67:6

Wo Roog, fat qeet ke a ƥoxotong o ngidim, kaam ee fat qeet ke fop a ƥoxotong o ngidim!

A kim a tedu ke 72:16

Xan bele a naag gañ no saax le, boo na xa cul axe na xa coong axe, xa yaƥ axe a yaandooxaa nen taxar ke Libaŋ, soo teeru ke a sux fo wiin, nen daaƭ xuƥu sap le no lanq ke.

Xa peƭit axe 10:22

O Yaal oxe a barke’angaang, o jeg halal, a koorgoorlax of waagee o ɓaat teen tig.

O baawaare xe 11:6

Ten taxu duufi ax of nqes teel, too baa xa ƥay of a ƥutnoox boo yaa Roog a yaarkaa, yaam andiro ke na ñaaƴkaa, kene mbaat kaana, mbaat ƭik ke fop a ñaaƴ.

Sakari 8:12

Xam duuf jam fee. Ndaxar biiñ ne xan a cooxit xa tim um, lanq ke a cooxit ke da mbatna, soo asamaan a cooxit a teƥ um. Xam lamnoor yoqatin we na xeet fene paax keene fop.

Mace 13:23

Ax ke nduufeena kam lanq paax ke tektu oxe na nanaa fa lay fee Roog, too a andin. A naanga o sultaa xa yaƥ, too mbep leng xan a rim teemeed, lakas qarɓeen ɓetuu fa leng, soo lakas a rim qarɓeen tadik.»

Mace 13:8

A seek a palakaand ale a sama no lanq paax ke. A sulta, too mbep leng a rima pep teemeed, mbep lakas a rim pep qarɓeen ɓetuu fa leng, soo lakas a rim pep qarɓeen tadik.

Mark 4:8

A seek a lakas a palakaand ale a sama no lanq paax ke. A maaka, too a sulta. Mbep leng a rima qarɓeen tadik, lakas qarɓeen ɓetuu fa leng, soo lakas a rim pep teemeed.»

1 Korint 3:6

Kaam jimb, Apolos a soor, Roog a maakin ndaxar ne.