Mberaand 23:4 - NQAARIIT NE ROOG

⁴ «Kaam refat o gataakoon olaa genatna a ndeer nuun, ci’aamoo a mboy alaa gasuuma o qon oxe mi bo ta waag o mo a kid es.»

Mberaand 23:4 Iomraidhean Croise

Mberaand 17:8

Xam ci’ong, wo fo xa taan of, saax lene refiidoona o gataakoon, saax le Kanaan fop, too xam ref Roog den.»

Mberaand 23:5

Heeheet we ndefna ndef xa taan Heet a ndoonaan ee:

Mberaand 3:19

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

Mberaand 47:9

Yakoob a doonaan ee: «Ñoowaam xa kiid teemeed fo xa kiid qarɓeen tadik no molaan. Xa kiid axe mi mayee dara too a mbeƭar, ndaawee ke daan es a ñoowna no molaan.»

Mberaand 49:30

Ten refu ref luf naa no qol olaa refna Makpeela paam Mamre, no saax laa Kanaan, o qol olaaga Abraham a jikit’ina na Efron, o Heeheet oxe, ta refat o jeg um olaa ta fi’na poy.

Mberaand 50:13

Xa ƥiy axe ten a ƥisaan no saax laa Kanaan, soo a ngasin no luf naa no ɓil laa kam o qol olaa refna Makpeela paam Mamre. Abraham jikit’u o qol olaaga na Efron, o Heeheet oxe, ta refat o jeg um olaa ta fi’na poy.

1 Caloori ke 29:15

Kaa i ndef mbaambir of genar fo xa kataakoon nen daan in fop, ñaal ke in took lanq ke a ndef nen yook too i njegee yaakaar leng.

Ke bindeena no xe ne’eena YOB 30:23

Andaam koy ee na fa nqon o ɓisaxam, me ñoow we fop a nqetkaa.

A kim a tedu ke 119:19

O gataakoon refum took lanq ke, ba o ɗasnaam kebil of.

A kim a tedu ke 39:12

Kaa o yaraa o kiin oxe, yaa o xawtan tooñ um, ŋereñaa ke ta moƴna o bug nen max. Ndigil oo, wiin we fop nqeñ doŋ a ndefu. A maaf

A sutax ale 2:22

O tew oxe a rima o ƥiy o ngoor, too Moyiis a ne’aan Geersom, yaam kaa lay’u yee: «O kenar refum no saax jan.»

O baawaare xe 12:5

yaa a ñaang ake a saɗareel, o ñaaƴ na ƭat ale a wooraƭarat, piɗ tan a muurat ndaxar ne, soƈ a ɗooqooxataa, fop a maasat ƴam, yaam o kiin oxe kaa xaadaa no ngenand um ne na refkaa boo faw, soo loolool we a mbaafraa no mbed ne.

O baawaare xe 12:7

boo cer ke a ngelko fo nomtooxaa no lanq ke da ngat’ina, soo o ñoow ole a nomtoox maa Roog fee ci’it’uuna.

O baawaare xe 6:3

O koor a jeg’angaa xa ƥiy teemeed soo a doon teen a xuuɗ-o-ñis, kuu xa yeng axe no ñoow um a mayna may fop oo, too jegee ne feluuna mbaat o gasanqol o faax, kaam ee o fud o watu moƴun o ɗaay.

A paɗax ale 25:23

«Lanq mbaagkaand o njikoox boo xoo, yaam mi jegu lanq ke, mi o Yaal oxe, too kaa nu ndef nen genar fo xa kataakoon me mi.

A pi ake 7:16

Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.

A pi ake 7:5

Roog ci’iran dara kaa ta warna o jeg no saax le mbaat maa ta doonna o jaf um sax. Kaa koy, a regaan ee xan a ci’in o ten, xa taan um a njegkin a cinj um. Yaaga Abraham jeg’ee o ƥiy sax.

Hebre 11:9

O ngim tax’u ta jaɓ o ñoowaa nen o gataakoon no saax laa Roog a reg’uuna. Kam ƭiif a genoogu nen a Isaak fa Yakoob we ndaaw’ina ndegit leng neene na Roog.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.