Mberaand 23:2 - NQAARIIT NE ROOG

² Saara a xonta Kiryat-Arba na xoyeel a xoy Hebron no saax le Kanaan. Abraham a xaaraandaan soo a ñaawooxin.

Mberaand 23:2 Iomraidhean Croise

Mberaand 13:18

Maaga, Abram a ɗisa ƭiif ke ten, a geniid no kariñ ke Mamre paam Hebron, a maxan o Yaal oxe maaga o sadaxand.

Mberaand 23:1

Saara a ñoowa xa kiid teemeed fo xa kiid qarɓeen ƭik fo xa kiid ɓetaa ƭaq.

Mberaand 23:19

Cinj kaaga, Abraham a gasa a Saara fee o teem no luf naa no qol olaa refna Makpeela jasnoorna fa Mamre refna Hebron no saax le Kanaan.

Mberaand 24:67

Isaak a ɓisa a Rebeka no ƭiif naa Saara fee ya um. A xota a Rebeka ta refat o teem, too a bug’aan lool. Neene Isaak a yaaloortu a cinj ye ta ñakna a ya um.

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

Mberaand 35:27

Yakoob a fadiida maa Isaak fee faap um, maaga Mamre kam Kiryat-Arba, refna ref Hebron me Abraham fa Isaak a ndeeƭna xa kataakoon.

Mberaand 37:14

Isra’el a layaan ee: «Reti ɗeetik fog faap we wo ndax njiree fo ndax tig damee ged laa. Cinj kaaga, o gar layaam.» Neene a lultun ta inoor na yulanq alaa Hebron, soo Yoseef a ret Sikeem.

Mberaand 50:1

Yoseef a ƴufana mukit fee faap um, a naag ciic a lool soo a foonin.

Mberaand 50:10

Ye da mbadiidna Goren-Ataad refna kaltaa Yordaan, a nqaaraandaan maaga o xaaraand o maak, soo Yoseef a ñaawoox a faap um boo ñaal ɓetuu ƭik.

2 Sami’el 1:12

A ƭomatooxooga, a loolaa, a ngoor boo no kirand naa yaam fa nqon fee Sawul fa Yoonatan fee o ƥeem fo Ii-isra’el lakas we nqon’ina na xeet fee no Yaal oxe na ñoq alaa.

2 Sami’el 1:17

Maaga, Dawid a ferana a Sawul fa Yoonatan a kim a mboy aleeke

2 Sami’el 2:11

Dawid a maadooxana a carind ale Yudaa kam Hebron boo xa kiid ɓetaa ƭaq fo a qool ɓetaa fo leng.

2 Sami’el 5:3

Neene maak we Isra’el fop a ngartu Hebron maa no maad oxaa, soo o maad Dawid a hiɓoor fa den maaga mbaambir no Yaal oxe. Cinj kaaga, a ndoda a Dawid o maad Isra’el.

2 Sami’el 5:5

Kam Hebron a maadooxana a Yudaa xa kiid ɓetaa ƭaq fo a qool ɓetaa fo leng, soo kam Yeerusaleem ta maadooxan a Isra’el fop fa Yudaa xa kiid qarɓeen tadik fo xa tadaq.

1 Caloori ke 6:57

No fiisel ole na carind ale Isakaar a ndaawa a Qedes, Dabrat,

2 Caloori ke 35:25

Yeremi a gimana a Yosiya a kim a mboy, giigim we fop, goor fo rew, a ngimana a Yosiya a kim a mboy akaa maadna o ngimeel boo no ñaal roog ne xaye, ne ta dalniteena kam Isra’el. A kim akeene kaa mbindel na kim a ƭomatax ake.

Nehemi 11:25

Lakas waa mbogna na carind ale Yudaa a ngenooga na koƥ ale den, kam caate keeke: Kiryat-Arba fo ke widuuna, Diibon fo ke widuuna, Yekabseel fo caate ke ta waxooxna,

Yeremi 22:10

«Ba nu lool o maad Yosiya xe xonna, ba nu ƭomatooxin! Loolyo kañ o maad Saalum oxe ɓiseena, yaam nomtooxiidkatee muk, ga’katee saax o rimel um.»

Yeremi 22:18

Ten taxu keeke o Yaal oxe a layu na Yoyakim fee o ƥiy Yosiya, too a ref o maad Yudaa: «Foygooxkaand ee: ‹Ndaw sabab, o koor es! Ndaw sabab, o cigeen es!› Foygooxkaand ee: ‹Ndaw sabab, o yaal es! Ndaw sabab, daali maad!›

A lim ale 13:22

A ndokta no ɓemb-roog o ñamaak ole no saax le soo a ndet boo Hebron maa Ahiman fa Sesay fa Talmay we ndeeƭna xa taan Anak, a ngen’ina. Sinjaan ne Hebron a adoorit’a ne Cowaan fee Misira xa kiid ɓetaa ƭaq.

A lim ale 20:29

Yaa Ii-isra’el we a yegna yee Aaroon a xona, a ñaawooxaan, den fop, boo ñaal qarɓeen tadik.

YEGIL MBAAX NE YEESU ne Saŋ a bindtuuna 11:31

Yaa Yaawuur waa yaalooguuna kam mbind naa a nga’na a inax a ñofu laa ten, a mboog’a yee kaa loolkaa no poy kaa. A ndalfooxa o inoox, soo a ndeefanin.

YEGIL MBAAX NE YEESU ne Saŋ a bindtuuna 11:35

Yeesu a naaga ɓusiid, a lool.

A pi ake 8:2

Leng-leng waa ngimna na Roog a njanga a Eceen a ngaskin, a nqaaraandin o xaaraand o maak.

A cangatin ale 34:8

Ii-isra’el we a loola a Moyiis boo ñaal qarɓeen tadik kam xa saawit axaa Mowaab, soo ñaal ke na xa lool axe fo ñaawax ne Moyiis a sog o muukoox.

Yosuwe 10:39

A njaɓa a Debir fo teeru lakas ke ta waxoox’ina fop, a ngef a den tuƈ soo a mbarit o maad oxaa fo we ngenna a den fop laƥ, too nqaƴ’ee o leng ta daɗ. Yosuwe a fi’a a Debir fo o maad um ne ta fi’’ina a Hebron fo ne ta fi’’ina a Libna fo o maad um.

Yosuwe 15:13

Kaleb fee o ƥiy Yefune a cooxe a qaaj no fiisel ole Yudaa, ne o Yaal oxe a heblit’uuna a Yosuwe. A daawa a Kiryat-Arba, teeru fee ne’it’eena a Arba fee o taan no Aa-anak we. Teeru feene kaa ne’el ndiiki Hebron.

Yosuwe 15:54

Humta, Kiryat-Arba fee na xoyeel itam Hebron fa Si’oor. A ndeeƭa teeru ɓetuu nahik fo caate ke da mbaxooxna.

Yosuwe 20:7

Nen teeru caɓnooxand Ii-isra’el we a kesa a Qedes kam Galile no jegel olaa na xa coong axaa Neftali fa Sikeem kam o jegel olaa na xa coong axaa Efrayim fa Kiryat-Arba na xoyeel a xoy Hebron kam o jegel olaa na xa coong axaa Yudaa.

Yosuwe 21:11

A cooxe a Kiryat-Arba, teeru fee ne’it’eena a Arba fee o taan no Aa-anak we. Teeru feene, ne’eena ndiiki Hebron, kaa reeƭu no jegel ole na xa coong axe Yudaa. A cooxe o ten fo xa kayand axe mbiduuna.

Haahate we 1:10

A ndalfooxa o inooxan Kaakanaan we ngeenoogna Hebron fee xoyoogeena yaaga Kiryat-Arba soo a nqaw a qaw ale Sesay, ale Ahiman fo ale Talmay.

1 Sami’el 20:31

Nan-gilooxaam a paax. Nuu o ñoow no ƥeenqe Isay a miñtaa, neene o ñoow of a reftaa no xoƥ nquƭ, ne’katiim maat of. Ndiiki koy, lultanaam o ten ta gar, ndax ta warel.»

1 Sami’el 25:1

Sami’el a xona, too Ii-isra’el we fop a mbokatoora, ndax da mboyin. A ngasaan na teeru faa Rama, me ta gen’ina. Cinj kaaga, Dawid a inooxa, a ret na koƥ-a-ƥor alaa Paaraan.

1 Sami’el 28:3

Sami’el koy, a xon’a, too Ii-isra’el we fop a mboy’aan, a ngasin na teeru faa Rama me ta gen’ina. Sawul o mat, kaa fañit’u no saax um ɗeet we fo fop we na ƈufginooraa xon we.