Mberaand 23:16 - NQAARIIT NE ROOG

¹⁶ Maaga, Abraham a anda ke Efron a layna, soo a eedanin xaaliis fee ta layna mbaambir xa taan axe Heet, xa monjong teemeed nahik xaaliis, ne jula we a mbi’tan.

Mberaand 23:16 Iomraidhean Croise

Mberaand 23:15

«Yaal mbind, nan-gilooxaam! Lanq kaa njarna xa monjong teemeed nahik xaaliis, xar kaaga a refu a ndeer es fa wo? Waay waay reti gas o qon oxe wo!»

Mberaand 43:21

Cinj kaaga, ye i mbadiidna no mbiñ onqe i mbe’na, i mbokta xa saaku xe in, soo oxuu refna a soƥ xaaliis um no don ole no saaku le, ta ref a ref podne xaaliis fee in a reeƭna. I ƥislooxiidaan koy.

Mberaand 49:29

Cinj kaaga, a hebla a den ee: «Yaa um dabkaa daan es, fat nu ngaskaam maa no daan es no luf naa refna no qol olaa Efron o Heeheet oxe.

Mberaand 50:13

Xa ƥiy axe ten a ƥisaan no saax laa Kanaan, soo a ngasin no luf naa no ɓil laa kam o qol olaa refna Makpeela paam Mamre. Abraham jikit’u o qol olaaga na Efron, o Heeheet oxe, ta refat o jeg um olaa ta fi’na poy.

2 Sami’el 14:26

No muukandoong no hiid oluu refna a ruusooxoogu, yaam wiil le kaa meɗoogun lool. Wiil um a eed’ange, a fi’ooga ngap kilo ƭik no ke maat ne a eedtoogna.

2 Sami’el 24:24

O maad oxe a laya a Arawna yee: «Ha’aa, ba o ci’aam dara. Kaam bug o jik keene, rabdong ke da njarna. Bugiim a bug o ɓoxot o Yaal oxe Roog es sadax faa ñakeeruuma dara!» Dawid a jikta cukand ne fo qoox ke xa monjong qarɓeen ƥetik xaaliis fa nqoolu.

Ke bindeena no xe ne’eena YOB 28:15

Waagaand o sofit wurus fa nqoolu, xaaliis waagiran o jik.

A sutax ale 30:13

Oxuu refna no we na mbindkeel fat a cooxit xaaliis faa fodirna fa genwal o monjong na xaaliis fee na eedteel no Mbiñ o tedu nqe. Mi o Yaal oxe, xam ɓoxotel xaaliis feene.

Yeremi 32:10

Bindaam a kayit a cikir, wegtin o ñaasir es, waaƭ seede soo peese’it xaaliis fee a poox.

Yeremi 32:9

Jiktaam na Hanamel fee o ƥiy faap o ndeɓ es o qol ole reeƭna Anatot soo peese’anin xaaliis fee no ndabid ne: Xa monjong xarɓaxay fo xa monjong ɓetaa ƭaq xaaliis fa nqoolu.

Heseki’el 45:12

O sekel xaaliis xan a fodir fo xa geeraa qarɓeen ƭik soo o miin a fodir fo xa sekel qarɓeen ɓetuu fa leng.

Sakari 11:12

Maaga, layaam a den ee: «Ndabdaamoo, nu ƭeetangaa boo and ee paax fi’um. A refangee paax koy, ba nu ndoon dara no ɓay es.» Naaga mbi’u, a eedanaam xa monjong qarɓeen tadik xaaliis fa nqoolu.

Mace 7:12

Kuu nu mbugna wiin we a mbi’an a nuun, mbi’aneenoo a den, yaam keene fadandu kebil ke Moyiis fo ke duleer we a mbindna.»

A pi ake 7:16

Xa tal den a ƥise Sikeem, a ngasel na mboy alaa Abraham a jikit’ina xaaliis. A mboy aleene koy, na xa ƥiy Hamoor axe inoor’ina Sikeem a jikit’un.

O leetar ole Pool a bindna GIMU WE NGENNA ROM 13:8

Kaam ee ba nu saqan o leng o lad, a refangeerna o lad olene: Mbexiryo a ndeer nuun! Oxuu fexna lakas we a naaga o fadnaa ke kebil ke a simitna fop.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.