Mberaand 21:6 - NQAARIIT NE ROOG

⁶ Maaga, Saara a laya yee: «Ey! Roog a fi’anaxam kaa um muuƴooraa, too oxuu yeguuna xan a jalaxam.»

Mberaand 21:6 Iomraidhean Croise

Mberaand 17:17

Abraham a gunga a lanq, a jal, soo a lay taa no yiif um ee: «Mam o ƥiy a reefkaa o cegu xa kiid teemeed? Mee ndax Saara fa xoox um, oxe na xa kiid qarɓeen ɓetuu nahik! Ndax xan a ñootat?»

A kim a tedu ke 113:9

Kaa ci’aa o tew o timar oxe ƥasil, a fi’in yaay fa ƭaayu ndeer xa ƥeem. Haleluyaa!

A kim a tedu ke 126:2

Maaga, kaa i njalooxoogu yaam o ɗaay, ɗelem in a soroxole’aa, soo ta layeel a ndeer qeet ke yee: «O Yaal oxe a fi’ana a den tig maak.»

Esayi 49:15

Kaa koy o Yaal oxe a doona yee: «Ndax o tew a waaga o weec o njaaƈ onqe ta numnaa? Ndax a waaga moof boo a fañ o njaaƈ onqe ta waxooxaa? A weecangaan sax oo, mi weeckiroong.

Esayi 49:21

Maaga, xan o laamtooxaa yee: ‹An ci’axam xa teɓandoong axene fop? Kaam ñak’u xa teɓandoong axe mi too yaakaar’atiim o jeg xa lakas, laqoox’u soo kesel. Ndi wene o mat, an yaru a den? Kaam yoq’u koƭong, soo wene mam a inooru boog?› »

Esayi 54:1

Wo fee o timar, felakinooxi. Wo fee moseerna o jeg o ƥiy too ñimiro xa ƭomel gaaj, ƴeeli a maak too ref no ɗaay, yaam o Yaal oxe xe layang ee: «Wo o tew oxe waaseena, ndiiki wo hupɗatu o tew oxe na dolooxaa xa ƥiy.»

Yeremi 20:15

Yaasam o koor oxe mayƭandna a faap es fo o ɗaay ye ta yegnuuna yee: «Rimanee o ƥiy o ngoor», a salooxel!

YEGIL MBAAX NE YEESU ne Lik a bindtuuna 1:14

Xan a ref na wo o ɗaay fo o mbelakinax. Xan mayu a mbelakinoox no rimel um,

YEGIL MBAAX NE YEESU ne Lik a bindtuuna 1:58

Gentand we fo fog we a yega yee o Yaal oxe a yirmaan, too a mbelakinooxa fo ten.

O leetar ole Pool a bindna GIMU WE NGENNA ROM 12:15

Mbelakinooxyo fo we njegna o ɗaay, loolandoor fo we na loolaa.

Hebre 11:11

O ngim o mat tax’u Saara a refat yaay, ke ta faaf’ina fa ndim fop oo. Kaa koy, a woor’aan ee xan Roog a fadin a tegit um.

1 Sami’el 1:26

Xaan a laya a Eeli yee: «O yaal es, ndax wetandooxaa o tew oxaa mos’ina ref meeke a paam of too a xeɗoogu? Ne ta wooritna yee woxe ñoowaa, neen a woortu yee mi a reeƭu.